"Türkiyədən üzr istəməyəcəyik" - Hollandiyadan Ərdoğana cavab
13-03-2017, 11:29. Yazar: Xeberaz
11:25
Hollandiya baş naziri Mark Ryutte iki türk nazirin Niderlanda buraxılmamasına görə rəsmi Ankaradan üzr istəməkdən imtina edib.
"Xəbəraz.az " azvision.az-a istinadən xəbər verir ki, Hollandiyanın baş naziri "Mən gərginliyin aradan qaldırılmasına yardım etmək niyyətindəyəm, lakin üzr istəməyəcəyəm" deyə Türkiyə rəhbərliyinə cavab verib.
O xatırladıb ki, Türkiyə prezidenti Rəcəb Tayyib Ərdoğan Hollandiyanı nasiszm və faşizmin qalığı adlandırıb.
Hollandiyanın xarici işlər naziri Bert Kunders də baş nazirin mövqeyini dəstəkləyib: "Üzr istəməyimiz tamamilə istisna edilir".
Qeyd edək ki, Çavuşoğlu ötən gün Rotterdamda Hollandiyada yaşayan Türkiyə vətəndaşları qarşısında çıxış edərək onları konstitusiyaya dəyişiklikləri dəstəkləməyə çağırmağı planlaşdırırdı. Lakin Hollandiya hökuməti Çavuşoğlunun təyyarəsinin ölkəyə enişinə icazəni ləğv edib. Hollandiyanın bu addımından sonra iki ölkə arasında diplomatik qalmaqal yaşanır.
----------
07:45
Niderlandın baş naziri Mark Rütte Türkiyə XİN başçısı Mövlud Çavuşoğlunun Niderlandda təyyarəsinin enişinə qadağa qoyulmasına görə üzr istəməkdən imtina edib.
Trend-in "RİA Novosti" agentliyinə istinadən verdiyi xəbərə görə, martın 11-də Niderland hakimiyyəti Türkiyənin xarici işlər naziri Mövlud Çavuşoğlunun və Türkiyənin ailə və sosial siyasət işləri üzrə naziri Fatma Betül Sayan Kayanın Rotterdam şəhərində bu ölkənin türk icması ilə görüşdə iştirak etmək üçün ölkəyə gəlişinə icazə verməyib.
Geri dön