"Türkiyə stadiona daxil olanda tamaşaçıların göstərdiyi sevgi tarix səhifələrinə düşəcək"
16-06-2015, 13:33. Yazar: Xeberaz
"Azərbaycanın paytaxtı Bakının ev sahibliyi etdiyi I Avropa Oyunlarında bu ana qədər hər şey mükəmməl gedir". Xeberaz.az ın məlumatına görə, bunu Avropa Olimpiya Komitəsinin İcra Komitəsinin üzvü, Türkiyə Milli Olimpiya Komitəsinin sədr müavini Hasan Arat bəyan edib.
Onun sözlərinə görə, Avropa Oyunlarının zaman keçdikcə daha çox önəm qazanacaq.
Sədr müavinin sözlərinə görə, Bakıda keçirilən möhtəşəm Açılış Mərasimində iki müdhiş hadisə yaşandı. Birincisi Ermənistan minlərlə azərbaycanlı önündən keçdi, ikincisi isə türk idmançılar inanılmaz bir sevgi gördülər. "Türkiyə stadiona daxil olanda tamaşaçıların göstərdiyi maraq və sevgi tarix səhifələrinə düşəcək".
Türkiyə rəsmisi bəzi ölkələrin ən yüksək səviyyəli idmançılarını oyunlara gətirməməsinə də münasibət bildirib. O, buna mənfi yanaşmağın düzgün olmadığını deyib.
H.Arat deyib ki, ilklər hər zaman çətindir və ilkləri uğurla bacarmaq önəmlidir. "Bir çox gənc bu oyunlar sayəsində yeni imkanlar qazanır, Olimpiya oyunlarına qatılma xəyalı qurur".
Geri dön