İlham Əliyev filippinli həmkarını təbrik etdi
11-06-2015, 18:47. Yazar: Xeberaz
“Səylərimizi davam etdirəcəyik”.
Azərbaycan prezidenti İlham Əliyev Filippin Respublikasının prezidenti Beniqno Akinonu Müstəqillik günü münasibətilə təbrik edib.
Xeberaz.az AZƏRTAC-a istinadla xəbər verir ki, dövlət başçısının təbrik məktubunda deyilir:
“Filippin Respublikasının milli bayramı – Müstəqillik günü münasibətilə Sizə və bütün xalqınıza şəxsən öz adımdan və Azərbaycan xalqı adından ən səmimi təbriklərimi yetirirəm.
İnanıram ki, Azərbaycan ilə Filippin arasında dostluq və əməkdaşlıq münasibətlərinin inkişafı, əlaqələrimizin genişlənməsi istiqamətində səylərimizi bundan sonra da ardıcıl şəkildə davam etdirəcəyik.
Bu əlamətdar gündə Sizə möhkəm cansağlığı, işlərinizdə uğurlar, dost Filippin xalqına daim sülh və firavanlıq arzulayıram”.
Geri dön