Məşhurların intim görüntüləri internetdə varmı?
11-06-2015, 15:50. Yazar: Xeberaz
FTB-nin istintaqı davam edir: hakerlərin hərəkətindən 600 ulduz zərər çəkdi
Hollivud ulduzlarının intim fotolarının ötən ilin avqustunda internetə sızmasının miqyası daha böyükdür. ANS PRESS-in məlumatına görə, Amerikanın Federal Təhqiqat Bürosunun (FTB) istintaq materiallarını araşdıran jurnalistlər bu qənaətə gəliblər.
Xatırladaq ki, 31 mart 2014-cü il tarixində naməlum hakerlər məşhurların 500-ə yaxın şəxsi fotosunu dünyanın ən nəhəng "imicbord" 4сhan.org-a yerləşdirmişdilər. Bu sızmanın qurbanları arasında Cenifer Lourens, Rihanna, Kim Kardaşyan, Kirsten Danst, Vaynon Rayder, Meri-Keyt Opsen, Ariana Qrande, Viktoriya Castis, Keyt Apton, Selena Qomes, Avril Lavin və bir çox başqaları var idi. Ümumiyyətlə, söhbət təxminən 100-ə yaxın məşhur insandan gedirdi. Bədxahların bu əməlinin nəticəsində ulduzların sözügedən şəkilləri daha bir neçə dəfə internetdə paylaşıldı.
İnternetə düşmüş fotolar Apple şirkətinin iCloud servisilə qorunurdu. Şirkət sözügedən servisin etibardan düşmədiyini bildirmişdi, amma hakerlər loqin və parolları sındıraraq gizli məlumatları əldə edə biliblər.
Hakerlərin istintaqı ilə FTB agentləri məşğul olurdu. Ehtimal olunur ki, hakerlər 2,5 minə yaxın akaunt sındırıblar. Bu haker hücumlarının 572-nin uğurlu cəhd olması artıq məlumdur. Hakerlər bir akkauntu sındırmaq üçün 5 000 dəfə cəhd edib.
Araşdırma ilə bağlı sənədlərdə həmçinin məşhurlara məxsus akkauntların sındırılma tarixi də dəqiq göstərilmir.
Geri dön