Rusiyada azərbaycanlı narko-kuryerlərə 60 il həbs cəzası verildi - VİDEO
9-06-2015, 13:09. Yazar: Xeberaz
Əliyev, Mehrəliyev və Şirinov.
Rusiyanın Çusovski məhkəməsi 500 kq narkotik vasitənin müsadirə edildiyi bir qrup cinayətkara qarşı hökm çıxarıb.
Xeberaz.az Rusiya KİV-nə istinadən xəbər verir ki, keçən ilin martında narkotik vasitələrin dövriyyəsinə nəzarətin əməkdaşları Permdə və Çusovda narko-cinayətlər törətməkdə şübhəli bilinənləri saxlayıblar.
Əməliyyat tədbirləri zamanı saxlanılan şəxslərdən yarım tondan artıq bitki mənşəli narkotik vasitə müsadirə edilib.
Narkotiklərin əsas anbarı Çusovda kirayə tutulmuş evdə olub. Evin çardağında əməliyyatçılar ümumi çəkisi 470 kq olan 22 kisə marixuana, 62 kq həşiş aşkar ediblər.
Nəticədə, kiçik fərdi satış ilə məşğul olan Vıqovski Y. məhkəmə tərəfindən 5 il müddətinə azadlıqdan məhrum edilib. Əslən azərbaycanlı olan: Əliyev A., Mehrəliyev E., Şirinov H. hər biri 20 il olmaqla azadlıqdan məhrum ediliblər. Onlar cəzalarını ciddi rejimli koloniyada çəkəcəklər.
Geri dön