Səfirin öldürüldüyü gecə Putin üçün müdhiş təsadüf
20-12-2016, 10:44. Yazar: Xeberaz
Ankarada Rusiya səfiri Andrey Karlovun öldürüldüyü zaman Rusiya Prezidenti Vladimir Putin Moskvada teatrda olub. "Xəbəraz.az "-ın xəbərinə görə, Putin 19-cu əsrdə Rusiyanın İranda səfiri olan və qətlə yetirilən Aleksandr Qriboyedovun əsərini izləyirmiş.
Qriboyedov 1829-cu ildə diplomatik böhran zamanı bir qrup iranlı tərəfindən səfirlikdə öldürülmüşdü. Rus qaynaqları səfirin öldürülməsinin arxasında ingilis kəşfiyyatının olduğunu bildirmişdi.
Bu oxşar təsadüfə "Financial Times"ın Moskva müxbiri Maks Seddon diqqət çəkib. Seddonun tviti yüzlərlə insan tərəfindən paylaşılıb. Bəzi ruslar bu tvitə etiraz bildirib, bəziləri isə "Ankaradakı sui-qəsd Rusiyaya və ya İrana mesajmı?" şərhini yazıblar.
Qeyd edək ki, bu gün Moskvada Rusiya, Türkiyə və İran XİN rəhbərləri bir araya gələcək.lent.az
Geri dön