General Qulam Yəhya Danişianın 110 illik yubileyi ilə bağlı tədbir keçirildi-Sonda qəbri ziyarət olundu
14-10-2016, 10:50. Yazar: Xeberaz
“İranlı Mühacirlər Cəmiyyəti” İctimai Birliyinin təşkilatçılığı ilə “21 Azər” hərəkatının rəhbərlərindən biri olan general Qulam Yəhya Danişianın 110 illik yubileyi ilə bağlı tədbir keçirilib.
"Xəbəraz.az "-nın məlumatına görə, mərasimi giriş sözü ilə Mətbuat Şurasının icra katibi Rəhim Hüseynzadə açaraq Qulam Yəhya Danişianın xidmətlərindən söz açıb. O, bildirib ki, Azərbaycan Demokratik Firqəsinin vı mühacir təşkilatın yaranmasında, inkişafında, varlığının qorunub saxlanılmasında Qulam Yəhya Danişianın xüsusi rolu var:“General Qulam Yəhya Danişianın rahatlığı olmayıb, hər zaman işləyib. İşgənclərlə üzləşib, məşəqqətlərə dözüb. O, sözün həqiqi mənasında böyük ürək sahibi olub”.
Daha sonra mərasimdə söz alan Azərbaycan Tibb Universitetinin müəllimi, İranlı Mühacirlər Cəmiyyəti İdarə Heyətinin üzvü Adilə Çernikbülənd Qulam Yəhya Danişianın fədakar biri olduğunu diqqətə çatdırıb: "Qulam Yəhya istər inqilab ərəfəsində, istərsə də Milli Hökumətin yaranmasında fədakarlıq göstərib. Q. Yəhyanın apardığı elə mötəbər tədbir olmazdı ki, qadınlardan, onlara qayğıdan, cəmiyyətdəki rolunun, aktivliyinin artırılmasından söhbət açılmasın. O, özü yenilməzlik rəmzi idi. İntellektual, hazırcavab insan olub. Ətrafındakı hər bir insana köməklik edib”.
Tədbirin davamında Qulam Yəhya Danişianın oğlu Bəhrəm Danişiana diplom və mükafatlar təqdim olunub.
Qeyd edək ki, mərasim digər iştirakçıların çıxışları davam etdirilib.
Geri dön