Tələbələri təhqir edən icra başçısının hədiyyəsi özünə qaytarıldı -FOTO
4-10-2016, 23:51. Yazar: Xeberaz
Son illər ali məktəbə qəbul prosesində yüksək nəticə göstərən məzunların mükafatlandırılması ənənə halını alıb. Bir sıra şəhər və rayonlarda yeli rəhbərlik yüksək bal toplayan məzunları bahalı hədiyyə və pul mükafatı ilə sevindirir. Bir neçə gün əvvəl Lənkəranda baş verən olay isə rayon ictimaiyyəti arasında əməlli-başlı söz-söhbətə səbəb olub. Belə ki, rayon icra hakimiyyətinin başçısı Taleh Qaraşovla ali məktəbə qəbul olunan lənkəranlı gənclərin görüşü təşkil olunub. Tələbə adını qazanan gənclər bir sıra ucqar kəndlərdən belə rayon mərkəzinə gəlib.
Görüşdən sonra isə onlara təqdim olunan hədiyyə əməlli-başlı sürpriz olub. İcra başçısı 600 baldan çox nəticə göstərən abituriyentlərə qiyməti 20 manat dəyərində olan elektirik çayniki hədiyyə edib.
Tələbələrdən bir neçəsinin valideyni həmin çayniki elə icra hakimiyyətinin inzibati binasında qoyaraq, oranı tərk edib.(Gununsesi.info)
Geri dön