Aqil Acalov - Roma Papası Fransiskin ölkəmizə səfəri...
3-10-2016, 00:48. Yazar: Xeberaz
"Azərbaycan müstəqillik qazandıqdan sonra Vatikanla ölkəmiz arasında əlaqələr günü-gündən inkişaf edir, Roma Papası Fransiskin ölkəmizə səfəri də bu əlaqələrin gücləndirilməsində böyük töhfədir. Aylardır gözlənən bu tarixi səfər dinlərarası, mədəniyyətlərarası dialoqun daha da güclənməsinə təkan olacaq".
"Xəbəraz.az "xəbər verir ki, Bu sözləri Azərbaycan Alpaqut Federasiyasının prezidenti Aqil Acalov mətbuata açıqlamasında söyləyib.
Onun sözlərinə görə Azərbaycan bütün dinlərə qucaq açan, dünyəvi bir dövlət kimi bütün dünyada sivilizasiyaların qovuşduğu bir dövlət kimi tanınır: "Ölkəmizdə yalnız məscidlər deyil, atəşpərəstlərin qədim dini məbədi, pravoslav, katolik kilsələri, sinaqoqlar dövlət tərəfindən qorunur, bərpa edilir. Dinindən, əqidəsindən asılı olmayaraq, bütün dinlərin nümayəndələri ölkəmizdə ləyaqətlə yaşayır. Bu il Azərbaycanda "Multikulturalizm İli" elan olunması da çoxmillətli ölkəmizdə milli-mənəvi dəyərlərin qorunması ilə yanaşı, müasir, dünyəvi dövlət olmasının sübutudur".
Aqil Acalov Roma Papası Fransiskin bu tarixi səfəri çərçivəsində Bakıdakı Katolik kilsəsində dini mərasim keçirməsini, daha sonra isə Azərbaycanın ən böyük məscidi olan Heydər məscidini ziyarət etməsini bütün dünyaya bir mesaj kimi qiymətləndirib: "Bu gün bütün dünya katoliklərinin diqqəti Azərbaycana yönəlib. Bu səfər bir müsəlman ölkəsi olan ölkəmizin inkişafını, uğurlarını dünyaya çatdıran pəncərə oldu. Bu gün dünyada dini zəmində münaqişələr, müharibələr gedir. Azərbaycanda isə dinindən, əqidəsindəm asılı olmayaraq, hər kəs birlik-bərabərlik içərisində yaşayır və bu gün bütün dünya Azərbaycanı bir daha xoş niyyətlər ölkəsi, multikultural bir dövlət olaraq tanıyıb, qəbul etdi".
Geri dön