Mehriban Xanlarovanı çıxartmaq istəsə də...(VİDEO)
19-05-2015, 12:43. Yazar: Xeberaz
ANS TV-də yayımlanan “Maşın” şounun növbəti buraxılışında qalmaqallı anlar baş verib.
Xeberaz.az -ın Axşam.az-a məlumatına görə, müəllifi və aparıcısı Murad Dadaşov olan proqramda iştirakçılar gizli səsvermə ilə Allahverdi Yolçuyevi sms səsverməsinə çıxarıblar.
Aktyor səs yığıb verilişdə qalacağı təqdirdə həmkarı Mehriban Xanlarovanı çıxaracağını deyib. Bundan sonra maşın ətrafında gərgin anlar yaşanıb. M.Xanlarova A.Yolçuyevin ailəsindən üzr istəyərək tamaşaçılardan “getsin”ə səs istəyib. O, aktyordan belə bir hərəkət gözləmədiyini deyib. Stilist Anar Ağakişiyev aktrisaya dəstək olmaq istəsə də, xanım iştirakçı buna icazə verməyib:
“Xahiş edirəm, mənim üçün heç kim səs istəməsin. Tamaşaçılara üzümü tutub deyirəm ki, məni burda görmək istəyirsinizsə, mənə səs verin. Özümə görə səs verin. Burdakıların heç birisinin qarşısında alçalıb onlardan dəstək istəmirəm”.
Allehverdi Y. sonda 42.61% səs yığaraq yarışmanı tərk edib.
Şouda iştirakını davam etdirənlər əməkdar artist M.Xanlarova, müğənnilər Emil Bədəlov, Xatirə İslam, Samir Cavadzadə, Aşıq Əli, meyxanaçı Rəşad Dağlı və stilist A.Ağakişiyevdir.
Geri dön