“AMAY” ticarət mərkəzinin rəhbəri Abdulla Abdullayevin cinayət işi üzrə növbəti məhkəmə prosesi keçirilib.
15-05-2015, 15:43. Yazar: Xeberaz
Bu gün Bakı Ağır Cinayətlər Məhkəməsində “AMAY” ticarət mərkəzinin rəhbəri Abdulla Abdullayevin cinayət işi üzrə növbəti məhkəmə prosesi keçirilib.
Xeberaz.az “Qafqazinfo”-ya xəbər verir ki, hakim Əfqan Hacıyevin sədrliyi ilə keçirilən prosesdə “AMAY” şirkətinə məxsus “Xətai” ticarət mərkəzinin tamamlanma işləri üzrə şahidlər dindirildilər.
“Qaradağ” sement zavodunun direktoru Əmirağa Xəlilov bildirib ki, zavodun A.Abdullayevə heç bir aidiyyatı yoxdur. O “Qaradağ” sement zavodunun üzərinə qoyulan həbsin götürülməsi ilə bağlı məhkəməyə müraciət edib.
“Əhmədli-çörək” zavodunun direktoru Əlirza Abuşov, “AMAY” firmasının meneceri Kazım Həsənov, Tac Mahal” firmasının direktoru Nəriman Hacıyev, “Tyanşan” firmasının rəhbəri Yavər Vəliev və A.Abdullayevin yaxın qohumu Emin Abdullayev öz adlarına külli miqdarda kredit götürdüklərini, həmin məbləğin “AMAY”-ın tikintisinə sərf olunduğunu deyiblər.
Növbəti məhkəmə prosesi mayın 18-ə təyin edilib.
Geri dön