Ana Sayfa > M / Karusel / Siyasət > İrəvanda silahlı qrup hökumətə təslim oldu - YENİLƏNİB
İrəvanda silahlı qrup hökumətə təslim oldu - YENİLƏNİB1-08-2016, 02:45. Yazar: Xeberaz |
Ermənistan Polisinin Patrul-mühafizə alayının Erebuni rayonunda yerləşən binasını zəbt edən silahlı qrup hökumətə təslim olub. APA-nın məlumatına görə, bu barədə Ermənistan millli təhlükəsizlik xidməti açıqlama yayıb. “Antiterror əməliyyatı başa çatıb. 20 terrorçu saxlanılıb. Patrul-mühafizə alayının binası tam təmizlənib”, məlumatda deyilir. *** Ermənistan Polisinin Patrul-mühafizə polkunun Erebuni rayonunda yerləşən binasını zəbt edən silahlı qrup təslim olmağı qərara alıb. APA-nın RİA Novosti agentliyinə istinadən verdiyi xəbərə görə, bunu qrupun rəhbərlərindən biri Varujan Avetisyan bəyan edib. “Biz təslim olmaq qərarı verdik və bu proses saat 20:00-dan başlayacaq. Buna baxmayaraq, biz Ermənistanda xalq hərəkatına təkan verdik ”, deyə V.Avetisyan bildirib. Qeyd edək ki, silahlı qrup Ermənistan Polisinin Patrul-mühafizə polkunun Erebuni rayonunda yerləşən binasını iyulun 17-dən zəbt edib. Geri dön |