Ermənilərin dağıtdığı məscidlər bərpa olunacaq
12-04-2016, 13:20. Yazar: Vusale
“Aprelin əvvəllərində qoşunların təmas xəttində baş verən toqquşmalar zamanı erməni tərəfindən dağıdılan ibadət evlərində qısa müddətdə bərpa işləri aparılacaq və onlar yenidən istifadəyə veriləcək”.
Azvision.az bildirir ki, bunu jurnalistlərə Dini Qurumlarla İş üzrə Dövlət Komitəsinin sədr müavini Gündüz İsmayılov deyib.
Onun sözlərinə görə, sonuncu hadisələr zamanı məscidin bombalanması bir daha onu göstərir ki, Ermənistanın təcavüzü yalnız Azərbaycan dövlətinə deyil, həm də Azərbaycanın mənəvi dəyərlərinə, ibadət evlərinə qarşı yönəlib: "Ermənilər işğal altında olan Azərbaycan torpaqlarındakı məscidlərdən hər zaman başqa məqsədlərlə istifadə edib, hətta mal-qara saxlayıb. Bu hal Ermənistanın təcavüzkarlığını, erməni xislətini bir daha açıq-aydın göstərir".
Qeyd edək ki, Əhmədağalı kəndinin ərazisində yerləşən məscid ibadət zamanı yüksək kalibrli artilleriya mərmiləri ilə vurulub. Bir nəfər mülki şəxs həlak olub, məscidə ciddi ziyan dəyib.
Geri dön