Avropa Məhkəməsi Kəlbəcər girovlarının müraciətinə baxmaqdan imtina edib
17-02-2016, 17:10. Yazar: Xeberaz
“Avropa İnsan Hüquqları Məhkəməsi Dilqəm Əsgərov və Şahbaz Quliyevin müraciətinə baxmaqdan imtina edib”.
Bunu Azərbaycanın Avropa Məhkəməsi yanında səlahiyyətli nümayəndəsi, Azərbaycan Prezident Administrasiyası Hüquq mühafizə orqanları ilə iş şöbəsinin İnsan hüquqlarının müdafiəsi məsələləri sektorunun müdiri Çingiz Əsgərov Milli Məclisdə keçirilən “Xocalı soyqırımı beynəlxalq hüquq müstəvisində” adlı tədbirdə deyib.
Onun sözlərinə görə, Avropa Məhkəməsi ildən artıqdır ki, öz torpaqlarında erməni quldurları tərəfindən qanunsuz girov götürülmüş Dilqəm Əsgərov və Şahbaz Quliyev işinə baxmır və işə baxmaqdan imtian edib:
“Şahbaz Quliyev və Dilqəm Əsgərovun ailəsi tərəfindən 2014-cü ildə Avropa Məhkəməsinə müraciət edilib. Onlar müraciətdə Avropa Konvensiyasının əlavə protokolunun 11 maddəsinin pozulduğu iddia edilib və burada kifayət qədər tutarlı sübutlar əks olunub. Müraciətdə Avropa Məhkəməsinə baxılması üçün president yaradan faktlara istinad edilib. Ancaq Avropa Məhkəməsi həmən müraciətə baxmaqdan imtina edib. Bu da Avropa Məhkəməsinin qeyri-obyektivliyini göstərir”.
Ç.Əsgərov qeyd edib ki, məsələ ilə bağlı Azərbaycan hökuməti Avropa Məhkəməsinə müracitə etsə də, bu günə qədər münasib cavab ala bilməyib.
Geri dön