ABŞ-ın Federal Ehtiyat Sistemi faiz dərəcəsini 0,25-0,5% səviyyəsində saxlayıb
28-01-2016, 03:28. Yazar: Xeberaz
İnflyasiya orta müddətli perspektivdə tədricən 2 faizə yaxınlaşacaq
ABŞ-ın Federal Ehtiyat Sistemi əsas faiz dərəcəsini dəyişmədən 0,25-0,5% səviyyəsində saxlayıb.
Bu barədə Amerika tənzimləyicisinin məlumatında bildirilir.
"ABŞ FES-nin Açıq Bazarlar Komitəsinin nəzərdən keçirdiyi məlumatlar hətta 2015-ci ilin sonunda iqtisadi artım tempinin düşməsinə baxmayaraq əmək bazarında bir qədər yaxşılaşma nümayiş etdirir. İstehlak xərcləri və biznes-investisiyaların artımı mülayim templə gedir, eyni zamanda ixrac bir qədər zəifləyib. İnflyasiyanın yaxın perspektidə enerji daşıyıcıları qiymətlərinin düşməsi səbəbindən aşağı səviyyədə olacağı gözlənilir. Lakin Komitənin gözləməsinə görə, inflyasiya orta müddətli perspektivdə tədricən 2 faizə yaxınlaşacaq. Çünki əmək bazarında vəziyyət yaxşılaşmaqdadır", — deyə FES-nin məlumatında qeyd olunub.
Geri dön