İlham Əliyev Səhiyyə nazirini qəbul edib

İlham Əliyev Səhiyyə nazirini qəbul edib
Tarix: 15-09-2015 | Saat: 17:08
Bölmə:M / Karusel / Siyasət | çapa göndər

Prezidenti İlham Əliyev sentyabrın 15-də Rusiya Federasiyasının səhiyyə naziri xanım Veronika Skvortsovanı qəbul edib

Xeberaz.az AzerTac-a istinadən xəbər verir ki, Seçenov adına Birinci Moskva Dövlət Tibb Universitetinin Bakı filialının açılışını əlamətdar hadisə kimi dəyərləndirən dövlət başçısı Rusiya Federasiyasının nüfuzlu ali təhsil ocaqlarından artıq ikincisinin ölkəmizdə fəaliyyətə başladığını vurğulayaraq bu universitetdə də təhsilin yüksək səviyyədə olacağına əminliyini bildirib.

Azərbaycanın birinci xanımı Mehriban Əliyevanın Seçenov adına Birinci Moskva Dövlət Tibb Universitetində mükəmməl səviyyədə təhsil aldığını qeyd edən Rusiya Federasiyasının səhiyyə naziri Veronika Skvortsova Mehriban Əliyevanın bu ali təhsil ocağını əla qiymətlərlə bitirdiyini və bunu təsdiq edən sənədlərin universitetin muzeyində saxlanıldığını məmnuniyyətlə deyib. Rusiyanın səhiyyə naziri Seçenov adına Birinci Moskva Dövlət Tibb Universitetinin Bakı filialında təhsilin nəzəri və praktiki hazırlıq baxımından ən yüksək və müasir səviyyədə olacağına əminliyini ifadə edib.

Prezident İlham Əliyev Birinci Moskva Dövlət Tibb Universitetinin Bakı filialının yaradılması ideyasının qısa vaxt ərzində uğurla həyata keçirildiyini deyib. Azərbaycanda səhiyyə sahəsində görülən işlərə toxunan dövlətimizin başçısı paytaxtda və regionlarda ən müasir tibb ocaqlarının inşa edildiyini və yüksək tələblərə cavab verən tibbi avadanlıqla təchiz edildiyini diqqətə çatdırıb. Dünyada səhiyyənin sürətlə inkişaf etdiyini vurğulayan Prezident İlham Əliyev Azərbaycanda da əhaliyə yüksək keyfiyyətli tibbi xidmət göstərilməsinə böyük diqqət ayrıldığını bildirib. Hər il dövlət proqramı çərçivəsində azərbaycanlı gənclərin dünyanın müxtəlif ali məktəblərinə təhsil almaq üçün göndərildiyini deyən dövlət başçısı bu cür ixtisaslaşmış universitetlərin ölkəmizdə yaradılmasının önəmini qeyd edib.

Xəbəri paylaş

5918 dəfə oxunub.

Digər xəbərlər

20-02-2016, 21:03 “Bəzi futbolçulara başa salmaq lazımdır ki...” - Əsgər Abdullayev

22-06-2015, 21:39 Azərbaycandan İrana qadağa

24-04-2015, 12:49 Moskva-İrəvan təyyarəsini ildırım vurub.

25-10-2015, 01:18 “800 AZN-ə aldığım telefon Dubaydan gətirilərsə...” - Aydın Əliyev

18-02-2023, 13:10 Horadiz-Cəbrayıl-Zəngilan-Ağbənd yolu iyul ayında hazır olacaq

16-06-2016, 14:36 Rusiya azarkeşlərinin rəhbəri Fransadan qovulur

20-07-2017, 15:54 Arvadını başqa kişi ilə görüb öldürənin məhkəməsi keçirilib

11-07-2015, 23:53 Serbiyanın divası bu imici Keyt Mossunu xatırlatdı – fotolar

16-11-2018, 12:32 “Əmək pensiyaları haqqında” qanun dəyişdirilir