Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Ermənistan qorxuya düşdü - cəbhədə əhali təxliyyə olunur
Tarix: 04-09-2015 | Saat: 02:00
Bölmə:M / Karusel / Gündəm | çapa göndər

Ermənistan qorxuya düşdü - cəbhədə əhali təxliyyə olunur

Bütün təmas xətti boyu vəziyyətin gərginləşdiyi, itkilərlə müşaiyət olunan mövqe döyüşlərinin getdiyi bir vaxtda Ermənistanda “İldırım-2015” kod adı altında komanda-qərargah təlimləri başlayıb.

Təlimlərin başlaması qəfil xarakter daşıyıb və əhali arasında təşviş yaradıb. Çünki Ermənistanın Azərbaycanla sərhəd rayonlarından əhalinin kütləvi evakuasiyasına hazırlıq başladığından ermənilər irimiqyaslı müharibənin yaxınlaşmasından qorxuya düşüblər.

Ermənistan Müdafiə Nazirliyinin mətbuat xidmətinin rəhbəri Artsurun Ovanisyan əhalini sakitləşdirmək üçün kütləvi evakusiya hazırlıqlarının bu gün başlayan hərbi təlimlərin ssenarisinə daxil olduğunu açıqlayıb.

Ovanisyan deyib ki, hərbi təlimlər “planlaşdırılmış xarakter” daşıyır və sentaybrın 6-na qədər davam edəcək. Onun sözlərinə görə, təlimlərin gedişində bütün dövlət strukturlarının işinin koordinasiya olunması da sınaqdan keçiriləcək. Bununla da dövlət strukturlarının mümkün hərbi əməliyyatlara hazırlığı yüksəldiləcək.

“KİV-lərdə sərhədyanı bölgələrdən əhalinin kütləvi evakuasiyasına hazırlıq getdiyinə dair xəbərlər doğrudur, ancaq bu, təlimlərin bir elementidir” - Ovanisyan deyib.

Ermənistan Müdafiə Nazirliyi rəsmisinin bildirdiyinə görə bu məqsədlə Tavuş vilayətində müvafiq böyük təlim bazası yaradılacaq, gecələmək üçün xüsusi zonalar ayrılacaq və evakuasiya zonaları müəyyən ediləcək.

“Yəni ona hazırlıq görülür ki, müharibə olsa, əhali necə evakuasiya olunacaq” - deyə Ovanisyan bildirib.

Onun sözlərinə görə, əhalinin kütləvi evakuasiyası Azərbaycanla sərhəd digər rayonlarda sınaqdan keçiriləcək, xüsusi ərazilər isə uşaq bağçalarında və istirahət evlərində yerləşəcək. Təlimlərin ssenarisi isə açıqlanmır. Ovanisyan digər detalların da qapalı olduğunu deyib.

Digər məlumata görə, İrəvanda prezident Serj Sərkisyan Təhlükəsizlik Şurasının iclasını keçirir və bu iclas da hərbi təlimlər çərçivəsindədir.

Ermənistan prezidentinin mətbuat xidmətinin bildirdiyinə görə, Sərkisyan təlimlərin ssenarisinə uyğun olaraq iclasda Ermənistan ətrafında son günlər baş verən hadisələr haqda məlumat verib. İclasda müvafiq dövlət strukturlarının rəhbərlərinin məruzələri dinlənilib.

Ermənistanda başlayan komanda-qərargah təlimlərinin elementlərindən də göründüyü kimi işğalçı ölkə mümkün irimiqyaslı hərbi əməliyyatların başlaması ehtimalından narahatdır. Eyni zamanda nəzərə alır ki, müharibə başlasa, hərbi əməliyyatlar Ermənistan ərazisinə də keçə, ən azından Azərbaycanla sərhəd bölgələri Azərbaycanın uzaqvuran artilleriyasının və reaktiv yaylım atəşi sistemlərinin birbaşa hədəfi ola bilər.

Xatırladaq ki, Azərbaycan ordusu da il ərzində intentiv hərb manevrlər və döyüş təlimləri keçirib. Azərbaycan və Türkiyə Hərbi Hava Qüvvələrinin “TurAz qartalı-2015” təlimləri elə bu gün yekunlaşıb.Virtualaz.org


Xəbəri paylaş

7368 dəfə oxunub.

Digər xəbərlər
bütün xəbərlər
____ Instagram ___