Azərbaycanda 800-dən artıq dərmanın qiyməti aşağı salındı

Azərbaycanda 800-dən artıq dərmanın qiyməti aşağı salındı - RƏSMİ + CƏDVƏL
Tarix: 25-08-2015 | Saat: 20:41
Bölmə:M / Karusel / Səhiyyə | çapa göndər

Şirift ölçüsü:

Tarif Şurası məlumat yaydı.

Tarif Şurasının növbəti iclası keçirilib və daha 801 dərman vasitəsinin qiyməti təsdiq edilib.

Azərbaycan Respublikasının Prezidenti cənab İlham Əliyevin tapşırığına uyğun olaraq, dərman vasitələrinin qiymətlərinin tənzimlənməsi prosesi davam etdirilir.

Məlumat verildiyi kimi, Tarif (qiymət) Şurasının 2015-ci il 30 iyul tarixində keçirilmiş iclasında 256 dərman vasitəsi üzrə qiymətlər təsdiq edilmişdir.

Tarif (qiymət) Şurasının 2015-ci il 25 avqust tarixində keçirilmiş növbəti iclasında isə daha 801 dərman vasitəsinin qiyməti müəyyənləşdirilmişdir. Ümumilikdə, elan olunmuş 25 təsiredici maddə üzrə 1057 dərman vasitəsinin qiymətləri tənzimlənmişdir ki, bunun nəticəsində hazırda satışda olan dərman vasitələrinin qiymətləri ilə müqayisədə 46% dərman vasitəsinin qiyməti 2 dəfədən çox, 24% dərman vasitəsinin qiyməti 3 dəfədən çox ucuzlaşdırılmış, bütövlükdə isə, həmin tərkib üzrə satışda olan dərman vasitələrinin 94%-i üzrə qiymətlər aşağı salınmışdır.

Bununla da, dövlət qeydiyyatına alınmış dərman vasitələrinin təqribən 15%-nin hazırkı qiymətlərlə müqayisədə əhəmiyyətli dərəcədə aşağı olan satış qiymətləri təsdiqlənmişdir. Böyük sosial əhəmiyyət kəsb edən bu proses bütün dərman vasitələrinin qiymətləri tənzimlənənədək intensiv şəkildə davam etdiriləcək və bu ilin sonunadək əksər dərman vasitələri üzrə qiymətlərin tənzimlənməsi başa çatdırılacaqdır.

Əvvəllər də elan edildiyi kimi, 25 təsiredici maddə (kombinə olunmuş dərman vasitələri istisna olmaqla) üzrə 1057 dərman vasitəsinin təsdiq edilmiş qiymətləri 2015-ci il 15 sentyabr tarixindən qüvvəyə minəcəkdir. Şuranın qərarına əsasən, həmin tarixdən etibarən qiymətləri təsdiq edilməyən qeyd olunan tərkibli dərman vasitələrinin satışı yalnız qiymətlər təsdiq edildikdən sonra həyata keçirilə bilər.

İclasda daha 55 yeni təsiredici maddə üzrə dərman vasitələrinin qiymətlərinin təsdiqlənməsi üçün sənədlərin (bəyannamələrin) qəbulu elan olunmuş və bunun üçün son müddət 2015-ci il sentyabr ayının 10-dək müəyyən edilmişdir.

Tarif (qiymət) Şurasının qərarları və qiymətləri tənzimlənmiş dərman vasitələrinin siyahısı ilə Şuranın rəsmi internet səhifəsində (www.tariff.gov.az) tanış olmaq olar.

Xəbəri paylaş

7258 dəfə oxunub.

Digər xəbərlər

15-05-2016, 22:31 Boko Haram lideri yaxalandı

18-08-2017, 11:14 İspaniyada üç günlük matəm elan edildi

1-05-2017, 10:17 Roma papası: ABŞ və KXDR arasında hərbi münaqişə bəşəriyyətin böyük hissəsini məhv edəcək

5-05-2021, 21:23 COVID-19 xəstələri necə qidalanmalıdır?- BUNLARI YEMƏYİN

15-03-2021, 14:20 Çayxanada karantin qaydaları pozuldu, sahibkar cərimələndi

31-03-2018, 20:26 1918-ci il Mart Soyqrımının qisasını alan Borçalı bəyi İsrafil bəy Acalov

30-08-2015, 12:23 İki övlad atası intihar etdi

28-09-2019, 15:57 Gəncədə itkin düşən 3 uşaq anası Bakıda tapıldı

20-05-2016, 13:37 Medvedyev: “Bundan sonra da Qarabağ...”