Milli Qəhrəman Mübariz İbrahimovun ad günüdür

Milli Qəhrəman Mübariz İbrahimovun ad günüdür
Tarix: 07-02-2022 | Saat: 10:39
Bölmə:M / Karusel / Gündəm | çapa göndər

Şirift ölçüsü:

Bu gün Azərbaycan Ordusunun giziri, Milli Qəhrəman Mübariz İbrahimovun anım günüdür.
Mübariz Ağakərim oğlu İbrahimov 1988-ci ildə fevral ayının 7-də Biləsuvar rayonu, Əliabad kəndində anadan olub. 1994-2005-ci illər ərzində orta təhsilini Əliabad kəndində başa vurduqdan sonra hərbi xidmətə yollanıb. Daxili Qoşunların “N” saylı hərbi hissəsinin Xüsusi Təyinatlı Bölüyündə xidmət edən İbrahimov 2007-ci ildə çavuş rütbəsində hərbi xidməti başa vurub. O, 2009-cu ildə yenidən öz istəyi ilə cəbhə bölgəsində gizir rütbəsində xidmət göstərməyə başlayıb.
İyunun 19-u 2010-cu ildə, saat 23:30 radələrində heç kimə xəbər vermədən gedən Mübariz İbrahimov düşmənin üzərinə yeriyir. Ermənistan Silahlı Qüvvələrinin çox sayda əsgər və zabitini gözlənilmədən birinci həmlədə məhv edir, sonra isə düşmənin öz silahlarını özünə qarşı istifadə edərək 5 saat onlarla təkbətək döyüşür və səhər saatlarında qeyri-bərabər döyüşdə şəhid olur.
Mübariz İbrahimov şəhadətə yürüməzdən öncə valideynlərinə son məktub yazmağı da unutmur. Məktubun əlyazması belədir:
"Canım, atam və anam. Məndən sarı darıxmayın. İnşallah, cənnətdə görüşəcəyik. Mənim üçün bol-bol dua edin. Vətənin dar günündə artıq ürəyim dözmür. Allaha xatir bunu etməliyəm. Ən azından ürəyim sərinlik tapar. Şəhid olanadək bu şərəfsizlərin üzərinə gedəcəyəm. Şəhid olsam – ağlamayın. Əksinə, sevinin ki, o mərtəbəyə yüksəldim. Allaha ibadətlərinizi dəqiq yerinə yetirin. Çoxlu sədəqə verin. Seyid nəvəsi olaraq bunu etməliyəm. Allah böyükdür. Vətən sağ olsun. Oğlunuz Mübariz. Haqqınızı halal edin".
Elə həmin ildə Azərbaycan prezidenti İlham Əliyevin sərəncamı ilə Mübariz İbrahimova "Azərbaycanın Milli Qəhrəmanı" adının (ölümündən sonra) verilməsi barədə sərəncam imzalanıb.
Bundan başqa, Azərbaycanın Milli Qəhrəmanı 2010-cu ildə Azərbaycanda "İlin adamı" təyin olunur.
Azərbaycan xalqı öz Milli Qəhrəmanı Mübariz İbrahimovu yalnız doğum və şəhid olduğu gün deyil, hər zaman böyük hörmət və iftixarla anır.
Allah rəhmət etsin!

Xəbəri paylaş

4558 dəfə oxunub.

Digər xəbərlər

17-11-2017, 11:54 Burak sərvətinə sərvət qatır: 2 milyonluq müqavilə

27-08-2015, 20:20 PKK hücumu 4 əsgərin yaralanması ilə nəticələndi

17-01-2019, 11:50 Bu günə sulu qar, qar gözlənilir - XƏBƏRDARLIQ

30-07-2017, 23:26 Taksi sürücüsü qadın müştərisinə tanışlıq mesajı atdı - VİDEO

13-06-2017, 18:22 Prezident Əmək Məcəlləsinə dəyişiklikləri təsdiqləyib

30-07-2021, 20:56 Vüqar Səfərlinin məhkəməsi təxirə salındı

31-01-2017, 12:30 Boğaz ağrısını azaldan 5 BİTKİ ÇAYI

17-12-2018, 12:02 Ramil Usubov iş adamının rəis oğlunu işdən çıxardı

13-10-2022, 09:35 Sizin ağıllı olmağınızı sübut edən 8 fakt