İlham Zəkiyevə “Qurani-Kərim” təqdim edildi

İlham Zəkiyevə “Qurani-Kərim” təqdim edildi
Tarix: 19-08-2015 | Saat: 19:20
Bölmə:M / Karusel / Gündəm / Foto-fakt | çapa göndər

Şirift ölçüsü:

Mübariz Qurbanlı idmançı ilə görüşüb.

Avqustun 19-da Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanın paralimpiyaçı cüdoçusu, ikiqat Paralimpiya, beşqat Avropa və dünya çempionu, I Avropa Oyunlarının qızıl medalçısı İlham Zəkiyevlə görüşüb.

Azərbaycanda keçirilən I Avropa Oyunlarının xalqımız üçün qürurverici hadisə olduğunu, Azərbaycanın sözün həqiqi mənasında Avropa Oyunlarının standartlarını müəyyənləşdirdiyini deyən Dövlət Komitəsinin sədri Mübariz Qurbanlı mötəbər yarışla bir daha dünyaya gücümüzü göstərdiyimizi bildirib.

İdmana diqqət və qayğının dövlət siyasəti olduğunu deyən Komitə sədri ölkə başçısı İlham Əliyevin idmanın maddi-texniki bazasının gücləndirilməsi, eləcə də idmançıların dövlətin xüsusi qayğısı ilə əhatə olunmaları, istedadlı idmançıların potensial imkanlarının inkişafı üçün daima geniş imkanlar yaratdığını bildirib.

Mübariz Qurbanlı qeyd edib ki, İlham Zəkiyevin həm döyüşçü, həm də idmançı kimi keçdiyi şərəfli yol hər bir gənc üçün nümunə və qürur mənbəyidir.

Dövlət Komitəsinin sədri İlham Zəkiyevə prezident İlham Əliyevin göstərişinə əsasən dini kitabların çapı üçün ayrılmış vəsait hesabına Azərbaycanda ilk dəfə gözdən əlil insanlar üçün brayl əlifbası ilə nəşr edilən “Qurani-Kərim” hədiyyə edib və idmançıya 2016-cı ildə Rio-de-Janeyro şəhərində keçiriləcək Yay Paralimpiya Oyunlarında uğurlar arzulayıb.

İlham Zəkiyev diqqətə və hədiyyəyə görə təşəkkürünü bildirib. O, qeyd edib ki, brayl əlifbası ilə nəşr olunmuş “Qurani-Kərim” onun aldığı ən qiymətli hədiyyələrdən biridir. İlham Zəkiyev növbəti Olimpiya Oyunlarına hazırlaşdığını və Azərbaycan bayrağını ucaltmaqdan şərəf duyduğunu deyib.

Görüşdə Dövlət Komitəsinin sədr müavinləri Səyavuş Heydərov və Gündüz İsmayılov iştirak ediblər.

Xəbəri paylaş

5568 dəfə oxunub.

Digər xəbərlər

7-10-2018, 11:36 Dünyada 4 cür insan var imiş. Kimdir onlar?

14-06-2018, 18:29 Ramil Usubov müğənninin videosuna görə iki polis zabitini CƏZALANDIRDI

9-12-2021, 12:07 Bu gecə şəhid olan Asif yanvarda əsgərlikdən qayıdacaqdı... - FOTO

18-07-2021, 12:10 Alında çıxan sızanaq nədən xəbər verir? Bəs yanaqda? - Xəstəliyini özün müəyyən et

14-05-2021, 12:46 Rövşən Lənkəranskinin və “Lotu Quli”nin tərəfdarları arasında ATIŞMA - VİDEO

5-04-2018, 14:41 DİQQƏT! Sürücülük vəsiqələri dəyişir

20-05-2019, 16:08 Bakı-Sumqayıt şosesində hərəkət məhdudlaşdırılır

11-12-2016, 10:27 Kilsə damı uçdu: 200-dək dindar öldü

9-07-2017, 21:43 Bu şəxs hər gün öz qəbrini ziyarət edir - Foto