Vətən müharibəsi dövründə Azərbaycanın ikinci böyük şəhəri olan Gəncənin Ermənistan Silahlı Qüvvələri tərəfindən növbəti dəfə raket hücumuna məruz qalmasından bir il ötür.
2020-ci ilin oktyabrın 11-də gecə saat 02.00 radələrində şəhərin mərkəzi düşmənin ballistik raket hücumuna məruz qalıb.
Belə ki, oktyabrın 10-dan humanitar atəşkəs rejiminin tətbiq edilməsinə baxmayaraq, Ermənistan ordusu Azərbaycanın yaşayış məntəqələrini intensiv atəşə tutmaqda davam edib.
Ermənistan qədim şəhər olan Gəncədə dinc sakinləri növbəti dəfə hədəf alıb. Düşmənin çoxmənzilli yaşayış binalarını raket atəşinə tutması nəticəsində 4-ü qadın olmaqla 9 nəfər şəhid olub, 35 nəfər yaralanıb. Daha sonra yaralananlardan biri də xəstəxanada vəfat edib.
Bundan başqa, 10-dan artıq çoxmənzilli binaya və 100-dən çox müxtəlif təyinatlı obyektə ziyan dəyib.
Gəncə şəhərinin atəşə tutulması ilə bağlı Azərbaycanın Baş Prokurorluğunda Cinayət Məcəlləsinin müvafiq maddələri ilə cinayət işi başlanılıb.
Gəncənin raket atəşinə tutulması anı Fövqəladə Hallar Nazirliyinin müşahidə kamerası tərəfindən qeydə alınıb.
Qeyd edək ki, İkinci Qarabağ müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə 5 dəfə (4, 5, 8, 11, 17 oktyabrda) raket və ağır artilleriya ilə hücum edilib. Nəticədə 26 nəfər şəhid olub, 175 nəfər yaralanıb, şəhərdə yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib.
Xatırladaq ki, İkinci Qarabağ müharibəsində ümumilikdə Ermənistanın hərbi təcavüzü nəticəsində 12-si uşaq, 27-si qadın olmaqla 93 mülki şəxs həlak olub, 454 mülki vətəndaş yaralanıb, ümumilikdə 12 292 yaşayış və qeyri yaşayış sahəsinə, 288 nəqliyyat vasitəsinə ziyan dəyib, 1 018 fermer təsərrüfatı üzrə zərər faktı aşkar edilib.
Ermənistanın törətdiyi növbəti Gəncə terrorundan 1 il ötür - VİDEO
Tarix: 11-10-2021 | Saat: 09:15
Bölmə:M / Karusel / Gündəm / Xəbəraz TV | çapa göndər
Xəbəri paylaş
3418 dəfə oxunub.
Digər xəbərlər
Tarix: 11-10-2021 | Saat: 09:15
Bölmə:M / Karusel / Gündəm / Xəbəraz TV | çapa göndər
Xəbəri paylaş
Digər xəbərlər
6-05-2016, 23:23
Can Dündara 5 il 10 ay həbs verildi - Amma...
11-12-2017, 11:14
Nazir: "Bu il 538 fiziki qüsurlu uşaq doğulub"
10-10-2017, 10:34
Azərbaycanın diplomat xanımları - İki səfir, katiblər, müşavirlər...
18-07-2016, 19:12
Leyla Əliyevanın kitabı artıq SATIŞDA - FOTO
25-01-2021, 19:14
Xırdalanda güclü partlayış - xəsarət alan var
9-09-2021, 18:06
Nazirlikdən “Instagram”dakı dələduzlarla bağlı XƏBƏRDARLIQ - FOTO
28-05-2016, 21:07
Şahbaz Quliyev ailəsinə məktub göndərdi
18-03-2015, 14:12
Sərxoş rəis müavini polisləri döydü - VİDEO
6-10-2018, 12:11
8 yaşlı qızı görənlər gözlərinə inana bilmirlər - Fotolar