Rəşad İlyasovun aqibəti necə olacaq? - Rəsmi açıqlama

Rəşad İlyasovun aqibəti necə olacaq? - Rəsmi açıqlama
Tarix: 08-04-2019 | Saat: 13:58
Bölmə:M / Karusel / Gündəm | çapa göndər

Şirift ölçüsü:

"Space" telekanalının "Hər səhər" verilişində müğənni Rüfət Axundovun işlətdiyi qeyri-etik ifadələr ölkə gündəmini zəbt edib. Hətta bu söyüş ifaçının Azərbaycan telekanallarına qadağası ilə nəticələnib.
Proqramın aparıcısı Anar Vaqifoğlu, səs rejissoru Etibar Mustafayev də işdən qovulub. Bəs görəsən, efirdə qonaq olan əməkdar artist Rəşad İlyasovun aqibəti necə olacaq?
Veriliş zamanı Rüfətlə birlikdə mahnını zümzümə edən Rəşadın da onun söyüşlərini təkrarlayaraq, aparıcıya tərəf gülə-gülə həmin ifadələri işlətməsi diqqətdən qaçmayıb. Müğənni özü məsələ ilə bağlı susma mövqeyini seçib. O, zənglərə cavab vermir. Hətta R.İlyasovun AzTV-nin solistliyindən çıxarılması haqda şayiələr də yayılıb.
MTRŞ-nın ekspertiza, proqramlaşdırma və analitik şöbəsinin müdiri Təvəkkül Dadaşov əməkdaşımızla söhbətində İlyasovla bağlı sualları cavablandırıb. O bildirib ki, R.İlyasova qarşı heç bir tədbir görülməyəcək:
"Məsələnin fərdiləşdirilməsinin əleyhinəyik, prinsip olaraq ifadəni işlədən şəxs oradan yığışdırılsın ki, həm cəmiyyətdə narazıçılıqlar səngisin. Cəmiyyət də görsün ki, belə halların qarşısının alınmasında şura qətiyyətlidir. Bunu fərdiləşdirməyək, hamıya gələcəkdə də dərs olsun ki, efirə çıxanda məsuliyyətli olmaq lazımdır. Həm müğənni, həm kanalların texniki heyəti diqqətli olmalıdır. O ki qaldı Rəşad İlyasova...

Videoda görünür ki, söyüşlü ifadələri işlədən Rüfət Axundovdur. Dövlət qurumu elə xırdaçılığa getməyi düşünmür. Biz kanala xəbərdarlığımızı etmişik. Rəşad İlyasovla bağlı məsələ aktual deyil. Burada söhbət ondan yox, digər tərəfdən gedir".
Məsələdə adı hallanan Rüfət Axundov, Anar Vaqifoğlu zənglərə cavab vermir, məsələ ilə bağlı danışmamaq qərarı alıb.
Qeyd edək ki, Rüfət efir zamanı fonoqramla mahnı oxuyarkən qeyri-etik ifadələr işlədib. Səs rejissorunun mikrofonu bağlamağı unutması nəticəsində söyüş efirə gedib.

Xəbəri paylaş

8848 dəfə oxunub.

Digər xəbərlər

2-12-2021, 09:15 Türk lirəsi ucuzlaşsa da Bakıda satılan Türkiyə malları niyə ucuzlaşmır? - VİDEO

15-05-2016, 18:58 Bakıda ağır qəza: ölən var

11-04-2016, 20:02 Elmar Məmmədyarov Türkiyəyə getdi

10-09-2015, 16:41 Bir qram ilan zəhəri = 6 barel neft

3-09-2015, 01:29 "Instagram"dan növbəti möhtəşəm — YENİLİK!!!

11-03-2017, 16:24 “Eşşək arabası ilə gəzməyəcəm ki…”- 100 minlik maşını olan Xalq artisti

18-05-2021, 09:24 Həyatda uğur qazanmış insanlar niyə hər gün eyni paltarları geyinirlər?

23-05-2016, 17:27 Dəmirəl faciə qurbanlarının borclarını ödədi

16-02-2016, 11:14 Bakı metrosu işçi götürür (FOTO)