"... cəbhədə gərginliyin artmasına səbəb olacaq"

"... cəbhədə gərginliyin artmasına səbəb olacaq" - Zakir Həsənov
Tarix: 06-04-2019 | Saat: 17:10
Bölmə:M / Karusel / Siyasət / Qarabağdan xəbər var | çapa göndər

Şirift ölçüsü:

Aprelin 6-da Mərkəzi Komanda Məntəqəsində müdafiə naziri general-polkovnik Zakir Həsənovun rəhbərliyi ilə xidməti müşavirə keçirilib.
Müdafiə Nazirliyindən Unikal.org-a verilən məlumata görə, müdafiə nazirinin müavinləri, qoşun növləri komandanları, nazirliyin baş idarə, idarə və xidmət rəisləri, birlik komandirlərinin iştirakı ilə keçirilən müşavirəyə videobağlantı vasitəsilə birləşmə komandirləri və digər məsul zabitlər də cəlb olunub.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin hərbi hissələrə səfərlərini və aprel döyüşlərinin nəticələri ilə bağlı səsləndirdiyi fikirləri xatırladan Müdafiə naziri ordu qarşısında qoyulan son tapşırıqları müşavirə iştirakçılarının diqqətinə çatdırıb.
Müdafiə naziri döyüş hazırlığı planına uyğun olaraq, xüsusilə gecə vaxtı, döyüş şəraitinə, real əraziyə uyğun keçirilən təlim və məşqlərin intensivliyinin artırılması, şəxsi heyətin döyüş hazırlığı səviyyəsinin, bölmələrin döyüş qabiliyyətinin yüksəldilməsi, birlik və birləşmələrin silah, döyüş və xüsusi texnikasının yay mövsümündə istismar rejiminə keçidinə hazırlığın təşkili, eləcə də hərbi xidməti başa vurmuş müddətli həqiqi hərbi xidmət hərbi qulluqçularının ehtiyata buraxılması və hərbi xidmətə çağırılmış gənc əsgərlərin qəbulunun mütəşəkkil qaydada həyata keçirilməsi ilə bağlı müvafiq vəzifəli şəxslərə tapşırıqlar verib.
Ermənistanın hərbi-siyasi rəhbərliyinin son zamanlar səsləndirdiyi məsuliyyətsiz çıxışlarına toxunan general-polkovnik Zakir Həsənov bunun cəbhə xəttində gərginliyin artmasına səbəb olacağını qeyd edib. Müdafiə naziri plana uyğun olaraq keçirilən bütün təlimlərin genişmiqyaslı hücum əməliyyatlarının aparılması məqsədinə xidmət etdiyini bildirib. Nazir bütün səviyyələrdən olan komandir və rəis heyətinə düşmənin fəaliyyətinin daim müşahidə edilməsi, hərəkətinin nəzarətdə saxlanılması, onun törədə biləcəyi istənilən təxribata qətiyyətli cavab vermələri və hər an aktiv döyüş əməliyyatlarının başlanmasına hazır olmaları barədə konkret göstərişlər verib.

Xəbəri paylaş

7398 dəfə oxunub.

Digər xəbərlər

21-11-2022, 08:50 Əməkdar artistdən İRAD: "Analar qızlarının evini yıxırlar"

30-07-2017, 09:54 Lənkəranda dəhşətli qətl: 6 günlük körpə öldürüldü və...

18-08-2018, 12:06 Türkiyə və Fransa ABŞ sanksiyalarına birgə sinə gərəcək

15-11-2018, 22:56 Abel Məhərrəmovun İspaniyadakı son çıxışının- Videosu

20-02-2016, 23:32 İlhamə Quliyevanın oğlu Mehribanın ərindən 45 min istədi

27-12-2016, 12:43 Gəlin namizəd bəy üçün studiyada elə oynadı ki... - VİDEO

9-12-2016, 11:50 NASA-dan qorxunc açıqlama

23-01-2021, 10:58 Vətən uğrunda canından keçən "çox gülən oğlan" - Foto

17-01-2017, 00:07 Doğuşa qədər hamilə olduğunu bilməyib - Bakıda qeyri-adi hadisə - VİDEO