Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
<>
Hər növ keyfiyyətli elektronik avadanlıqların yalnız bircə ünvanı Ağa Electronics.Qulaqcıqlar,Mauslar,Music Playerlər,Poverbanklar, Action və Obyekt kameraları daha nələr-nələr.Keyfiyyətli bütün malları Ağa Electronicsdən əldə edə bilərsiniz! Ünvan: 28 may küçəsi 78b Əlaqə: (+99455)9700007 @aga.electronics @aga.electronics @aga.electronics
Əlaqə üçün: (+99455)9700007 (WhatsApp) ➡@aga.electronics
“Azərbaycanlı məmurun oğlu əsgər getdi!”
Tarix: 30-05-2018, 09:34 | Saat: 15:47:00
Bölmə:M / Karusel / Aktual | çapa göndər

Azərbaycan cəmiyyətində “filan məmurun oğlu əsgər getdi”, “deputatın oğlu hərbi xidməti ön cəbhədə keçdi” kimi xəbərlər çox nadir hallarda yayıla bilər, hərçənd uzun illərdir belə bir informasiyaya şahid ola bilmirik. Amma hansısa məmur, ya da deputat çağırış yaşlı oğlunu həqiqi hərbi xidmətə göndərməklə cəmiyyətə nümunə göstərə bilər... Di gəl ki, göstərmirlər... 

Azərbaycan torpaqlarının 20 faizini işğal etmiş düşmən ölkənin – Ermənistanın baş naziri Nikol Paşinyan və müdafiə naziri David Tonyan ötən həftə  həqiqi hərbi xidmət yaşı çatmış oğlanlarının əsgər gedəcəyini bəyan etdilər. Baş nazir isə oğlunun hətta Qarabağda xidmət edəcəyini bildirdi... Əlbəttə razıyıq ki, bu, erməni məmurların erməni cəmiyyətinə nümayiş etdirdikləri pupuluzmdir. Müqayisə bir o qədər də yerinə düşmür...

Amma olsun, populizmdirsə, bizdə də olsun... Qoy hansısa məmurumuz və ya deputatımız çıxıb mətbuata bəyan etsinlər ki, həqiqi hərbi xidmət yaşı çatmış oğlunu sabah orduya yola salacaq..
Təəssüf ki, bizim məmurlar və onların övladları tez-tez mətbuatın, sosial şəbəkələrin müzakirə obyektinə çevrilərkən əsasən qınağa tuş gəlirlər. Çünki “papanın gül balaları” sosial şəbəkələrdə bahalı avtomobil kolleksiyalarına, lüks otellərdə, bahalı çimərliklərdə çəkdirdikləri şəkillərinə “like” toplamaqla məşğul olurlar. Bəlkə də bu səbəbdəndir ki, Azərbaycanda hansısa yüksək vəzifəli məmurun adı gələndə yaxşı əməl sahibi olsa belə, hamı eyni cür fikirləşir.

Müşahidələr də göstərir ki, Azərbaycan məmurunun mənfi tipajını yaradan, portretini çəkən elə öz övladlarının, ailə üzvlərinin, yaxın qohum-qardaşlarının əndazəni aşan əməlləridir. Təəssüf ki, onların içərisində cəmiyyətə örnək sayıla biləcək davranış sərgiləyənlərin çox az qisminin adını çəkmək mümkündür. Əksəriyyət bahalı villaları, avtomobil kolleksiyaları, xarici universitetlərdən külli miqdarda vəsait hesbaına əldə etdikləri diplomları ilə göz qamaşdırır və mətbuatın gündəmini həftələrlə zəbt edirlər. Amma di gəl ki, bircəciyi barədə “filankəsin oğlu əsgər getdi”, “filan məmurun oğlu ön cəbhədə” xəbərləri tirajlanmır. Ona görə yox ki, mətbuat bunu xəbər saymır. Ona görə ki, reallıqda bu tip xəbərlər kimlərinsə illüziyası ola bilər. Səbəb nədir?.. Vətənin keşiyini çəkmək ancaq yoxsul balasının alnınamı yazılıb?


Modern.az-ın mövzuyla bağlı suallarını deputat Çingiz Qənizadə cavablandırıb. O, məmurları cəmiyyətə nümunə göstərməyə səsləyib:


“Bizim hər birimiz bu ölkənin kiçik tərkib hissəsiyik. Ona görə də hər birimiz hər bir məsələdə başqalarına nümunə olmalıyıq. Çox təəssüf ki, bəzi hallarda harınlamış məmur övladlarının hərəkətləri heç bir əndazəyə sığmır. Onlar nəninki hərbi xidmət borcunu yerinə yetirmir, ümumiyyətlə bu barədə düşünmürlər belə. Cəmiyyətdə vəzifə verilərkən xarakteri, davranışı dəyişən, başqlarına üstən aşağı baxan, onları aşağılamağa çalışan məmurlar həddən çoxdur. Bunlar yolverilməzdir. İnsan nə qədər sadə, şəffaf və təmiz olacaqsa, bir o qədər də uca olacaq”.
 
Ç.Qənizadə məmur-oliqarxların övladlarının xaricdə təhsil alması məsələsinə də diqqət çəkib:


“Bir vaxtlar bizdə dəb halını almışdı. Ölkəyə çoxlu valyuta axını vardı. Əlinə imkan düşən iş adamları, məmurlar övladlarını xaricə oxumağa göndərirdilər. Mən buna çox pis baxıram. Niyəsini deyim. Əgər bu uşaq savdlıdırsa, dövlət təyinatı ilə xaricdə təhsil alırsa, bunu yalnız alqışlamaq olar. Amma gedib hansısa xarici ölkədə 50 min, 100 min avro ödəməklə uşaq oxutdururlarsa, o pulların mənbəyi araşdırılmaldır. Qoy bir məmur açıqlasın görək, o pulları haradan əldə edib. Dövlətin təyinatı, dövlət proqramı əsasında xaricdə təhsil alan məmur övladı da, fəhlə övladı da layiqli vətəndaş kimi ölkəmizə qayıdır. Amma böyük “çirkli pullar”  hesabına, üstəlik hərbidən yayınaraq gedənlərin əksəriyyətinin məqsədi heç də təhsil almaq olmur.


Belələri Azərbaycana qayıdıb dövlət qulluğuna imtahan verəndə çox vaxt keçə bilmirlər. Savadlı, bacarıqlı övlad yerindən asılı olmayaraq, cəmiyyət üçün yararlı olacaq. Amma başqalarına görk olsun deyə, bəhsəbəhs üçün uşaqların xaricə göndərilməsinin tərəfdarı deyiləm. Xaricdə təhsilə xərclənən pullara, Azərbaycanda yüksək bal toplayaraq ödənişli əsaslarla təhsil alan tələbələrə yardım etmək olar. Elə hərəsi bircə tələbənin ödənişini etsə, elə bilsinlər cənnətə gedib-qayıdıblar, ya da elə diriykən cənnətə düşmüş olarlar. Xeyirxah işlərlə məşğul olmaq lazımdır, öyünməklə, yekəxanalıqla heç nəyə nail olmaq olmaz”.

6998 dəfə oxunub.
<>
Hər növ keyfiyyətli elektronik avadanlıqların yalnız bircə ünvanı Ağa Electronics.Qulaqcıqlar,Mauslar,Music Playerlər,Poverbanklar, Action və Obyekt kameraları daha nələr-nələr.Keyfiyyətli bütün malları Ağa Electronicsdən əldə edə bilərsiniz! Ünvan: 28 may küçəsi 78b Əlaqə: (+99455)9700007 @aga.electronics @aga.electronics @aga.electronics
Əlaqə üçün: (+99455)9700007 (WhatsApp) ➡@aga.electronics

Bölməyə aid digər xəbərlər
3-03-2017, 18:16 "Tramp" oteli yandı

Xəbərə şərh yaz
Adınız:*
E-Mail:
Şərhiniz:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Sual:
23-13+5=
Cavabınız:*
 

Anket

XƏBƏRAZ.AZ-ı Daha Çox Hansı Sosial Şəbəkələrdən İzləyirsiniz?

 
bütün xəbərlər
«    İyul 2018    »
BeÇaÇCaCŞB
 1
2345678
9101112131415
16171819202122
23242526272829
3031 
____ Instagram ___