Azərbaycanda iş adamlarının ikinci həbs dalğası başladı

Azərbaycanda iş adamlarının ikinci həbs dalğası başladı
Tarix: 20-06-2015 | Saat: 19:11
Bölmə:M / Karusel / Hadisə / M2 / Fotogalereya | çapa göndər

Şirift ölçüsü:

Beynəlxalq Bankdan iri məbləğlərdə kredit borcu olan oliqarxların işi üzrə həbslərin ikinci dalğası başlayıb.

Xeberaz.az ANS PRESS-ə xəbər verir ki, virtualaz.org saytının əldə etdiyi məlumata görə, bir müddət ölkənin dərman bazarında əsas oyunçu hesab edilən “Riyad-Farm” MMC-in prezidenti Həsən Şərifov yenidən DİN-in Baş Mütəşəkkil Cinayətkarlıqla Mübarizə İdarəsinə çağırılıb və həbs olunub.

Onun barəsində ötən həftənin cümə günü Nərmianov Rayon Məhkəməsi tərəfindən 3 aylıq həbs-qətimkan tədbiri seçilib.

Məhkəmədəki mənbələrdən məlum olub ki, iş adamına Cinayət Məcəlləsinin 178.2-ci (iri məbləğlərdə dələduzluq) maddəsi ilə rəsmi ittiham irəli sürülüb.

Xatırladaq ki, Həsən Şərifov və “Riyad-Farm”ın icraçı direktoru Aqil Quliyev Beynəlxalq Banka kredit borcu olan oliqarxların kütləvi həbsi kampaniyasında saxlanılıb. Daha sonra H.Şərifov banka borcun bir hissəsinin ödənilməsi şərti ilə sərbəst buraxılıb.

Lakin belə görünür ki, istintaqla anlaşma pozulub və iş adamı bu dəfə rəsmi ittihamla üzləşərək barəsində həbs qərarı çıxarılıb.

Virtualaz.org saytının əldə etdiyi məlumata görə, “Riyad-Farm”ın Beynəlxalq Bank qarşısında cəmi 24 milyon dollarlıq kredit öhdəlikləri var. Bu öhdəliklərə şirkətin Almaniyanın “Kommerzbank” bankından Azərbaycan Beynəlxalq Bankının zəmanəti ilə aldığı 14 milyon dollar kredit və Sahibkarlığa Kömək Milli Fondundan alınan 10 milyon dollar kredit daxildir.

Qeyd edək ki, Beynəlxalq Bank Sahibkarlığa Kömək Milli Fondunun müvəkkil bankı kimi “Riyad-Farm”a kredit ayırıb. Həmin kreditlərin ödənilməsi müddəti 2017-2019-cu illərdə bitir.

Xatırladaq ki, “Riyad-Farm” MMC hazırda faktiki olaraq müflis durumdadır, şirkətin 3300-ə yaxın apteki fəaliyyətini dayandırıb. Şirkət dərman bazarındakı mövqelərini itirib.

Xəbəri paylaş

6558 dəfə oxunub.

Digər xəbərlər

19-08-2017, 11:34 Yığmamız dünya çempionatına itki ilə yollanacaq

14-06-2016, 21:09 Yol polisi bu avtomobilləri saxlamayacaq

26-04-2016, 14:57 Deputatlar dollar krediti ilə bağlı təklif hazırladı

26-02-2019, 17:14 İlham Əliyev məcburi köçkünlərin aylıq müavinətlərini artırdı

4-07-2015, 11:52 DİN "Kapital Bank"ın filialında baş verən basqından danışdı

20-09-2017, 16:39 12 yaşlı ananın dünyaya gətirdiyi körpədən YENİ XƏBƏR

23-09-2017, 10:50 Toy gecəsi gəlin öldü, bəy türməyə girdi

11-07-2017, 12:21 Azərbaycan və Ermənistan xarici işlər nazirləri bu gün Brüsseldə görüşəcəklər

15-08-2016, 15:51 Zakir Həsənov və Sergey Şoyqu Qarabağ münaqişəsini müzakirə ediblər