Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
"Mənə 30-dan çox iynə vurdular" - Dilqəm ağır durumdadır
Tarix: 18-03-2017 | Saat: 10:40
Bölmə:M / Karusel / Gündəm / Aktual | çapa göndər

"Mənə 30-dan çox iynə vurdular" - Dilqəm ağır durumdadır
Erməni işğalçıları tərəfindən Kəlbəcərdə girov götürülən Dilqəm Əsgərov ailəsinə növbəti dəfə məktub göndərib.

"Xəbəraz.az " xəbər verir ki, bu barədə azvision.az-a girovun oğlu Kürdoğlu Əsgərov məlumat verib. Onun sözlərinə görə, Dilqəm Əsgərovun səhhətində ciddi problemlər var.

"Atam və Şahbazla görüş keçirilib. Məktubda atam vəziyyətinin ağır olduğunu, səhhətində ciddi problemlərin olduğunu yazıb. Məktubda qeyd edib ki, ona 10 gün ərzində 30-dan çox iynə vurublar. Atam Beynəlxalq Qızıl Xaç Komitəsinin həkimlərindən hələ bir xəbər almadığını yazıb. Sonda isə "kəlbəcərlilərin bayramını təbrik edirəm"- deyə qeyd edib. Atam, həmçinin onu axtaran və axtaramayan, tanıyan və tanımayan hər kəsə salam göndərib".

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib. İşğal altındakı Dağlıq Qarabağda D. Əsgərov və Ş. Quliyev üzərində qanunsuz "məhkəmə" qurublar.

"Məhkəmə"nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilmə cəzasına məhkum olunub.


Xəbəri paylaş

7948 dəfə oxunub.

Digər xəbərlər
bütün xəbərlər
____ Instagram ___