İranda azərbaycanlılar etiraz aksiyalarına başladı

İranda azərbaycanlılar etiraz aksiyalarına başladı - VİDEO
Tarix: 28-07-2016 | Saat: 23:15
Bölmə:M / Karusel / Dünya / Xəbəraz TV | çapa göndər

Şirift ölçüsü:

Bu gün Bakı vaxtı ilə saat 19:30-dan etibarən Güney Azərbaycanın bir çox şəhərində kütləvi etirazlara başlanılıb.

Təbriz, Tehran, Urmiya, Xoy, Ərdəbil, Marağa, Əhər, Qoşaçay kimi böyük şəhərlərdə azərbaycanlı soydaşlarımız əllərində "Biz istəyirik diri qalaq", "Mən türkəm" və digər yazılı plakatlar tutaraq "Haray, haray, mən türkəm", "Ölüm olsun faşizmə", "Azərbaycan milləti, çəkənməz bu zilləti" kimi şüarlar səsləndirib, etiraz mitinqləri keçirirlər. Etirazlara səbəb az öncə İranın “Tərh-i No” qəzetində türklərin təhqir olunaraq bədbəxt, kişiliyə layiq olmayan birisi kimi təqdim olunmasıdır.

Sosial şəbəkələrdə yayılan məlumatlara görə, artıq onlarla azərbaycanlı fəal polis qüvvələri tərəfindən saxlanılıb. Onların arasında "Traxtur" futbol komandasının lideri Əli Hedayəti, həmçinin Marağadan Murtaza Əşrəfi, Urmiyadan Mehdi Hacızadə, Ərdəbildən Məhəmməd Corani, Əhməd Məhəmmədzadə, Hüseyn Balaxani, Xoydan Səlman Əraqi və digərlərinin olduğu bildirilir.

Xatırladaq ki, bu günlərdə İranın “Tərh-i No” qəzetində türklər təhqir olunaraq bədbəxt, kişiliyə layiq olmayan birisi kimi təqdim olunub. Təəssüf doğuran daha bir məqam ondan ibarətdir ki, adıçəkilən qəzet azərbaycanlıların mənəvi paytaxı hesab edilən Təbrizdə dərc edilir, rəhbəri Amir Əlizadə və məqalənin müəllifi Süleyman Əfşar Tikabi əslən azərbaycanlıdır. Yazı dərc olunduğu andan kütləvi etirazlara səbəb olub. Olayın ardından isə bir müddət bundan öncə türkləri təhqir etməklə kütləvi etirazlara, çoxlu sayda azərbaycanlı fəalların həbsinə səbəb olan “Fitilə” verilişinin üzvlərinin mükafatlandırılması narazı kütlənin qəzəbini daha da artırıb, onları hiddətləndirib. Nəticədə iyulun 26-da bununla bağlı Cənubi Azərbaycanın Urmiya və Təbriz şəhərlərində kütləvi etiraz aksiyaları keçirilib, şüarlar səsləndirilmişdi. Təkcə həmin aksiyalarda 20-dən çox fəalın saxlanıldığı, onların arasında qadınların da olduğu bildirilir.

Xəbəri paylaş

8658 dəfə oxunub.

Digər xəbərlər

20-04-2016, 12:07 Neftçi olduğu ehtimal edilən meyit tapıldı

10-05-2016, 11:40 Davudoğlu bazarda pomidor satır – Video

7-05-2022, 15:46 Bir neçə dəfə qaynadılmış su ZƏHƏRƏ dönür

25-08-2015, 15:56 Məcburi köçkünlərin yaşadığı binada yanğın baş verib - VİDEO

23-02-2016, 18:59 Bahalı ətir almağa pulunuz yoxdursa, oxuyun - RESEPT

14-01-2023, 13:34 Baldızı qızını yoldan çıxardı: "Yerə boş kisə sərdi..." - Şok olay

28-09-2017, 11:24 Xınalığa 13 sm qar yağıb - FAKTİKİ HAVA

11-06-2016, 15:05 Türkiyə koalisiya ilə birgə hücuma keçdi

21-10-2021, 15:52 “Delta plyus” ikiqat mutasiya olunub, daha tez yayılır - TƏBİB-dən XƏBƏRDARLIQ