Ali Media Mükafatının laureatlarının adları açıqlandı

Ali Media Mükafatının laureatlarının adları açıqlandı - SİYAHI
Tarix: 22-07-2016 | Saat: 15:59
Bölmə:M / Karusel / Gündəm | çapa göndər

Şirift ölçüsü:

Mətbuat Şurasının (MŞ) Ali Media Mükafatının mükafat komissiyasının iclası keçirilib.

Şuradan APA-ya verilən məlumata görə, MŞ İdarə Heyətinin üzvlərindən ibarət komissiya mükafatın 2016-cı il üçün laureatlarının müəyyənləşdirilməsi məsələsini nəzərdən keçirib. Müzakirələrdən sonra Ali Media Mükafatının 2016-cı il üçün laureatları təsdiqlənib. Laureatlara mükafatlar bu gün – 22 iyul 2016-cı il tarixdə milli mətbuatımızın 141 illiyi ilə bağlı “Altun saray” restoranında keçiriləcək təntənəli mərasimdə təqdim olunacaq.

Ali Media Mükafatının 3-cü dərəcəsi üzrə - Media sahəsindəki uzunmüddətli səmərəli fəaliyyətlərinə görə “525-ci qəzet”in baş redaktor müavini Seyfəddin Hüseynli, “Yeni Müsavat” qəzetinin baş redaktor müavini Azər Ayxan, jurnalist-publisist Aida Eyvazova, “Gəncənin səsi” qəzetinin baş redaktoru Rəfiqə Sadıqova, jurnalist-publisist Rəşid Hüseynov təltif ediliblər. Ali Media Mükafatının 2-ci dərəcəsi üzrə Beynəlxalq Avrasiya Mətbuat Fondunun rəhbəri Umud Rəhimoğlu Azərbaycan həqiqətlərinin təbliğindəki xidmətlərinə görə, Bakı Media Mərkəzinin redaktoru Müsəllim Həsənov Media sahəsindəki uzunmüddətli səmərəli fəaliyyətinə görə təltif olunublar.

Yazıçı-publisist, filologiya üzrə fəlsəfə doktoru Sona Vəliyeva Azərbaycan milli mətbuatının banisi Həsən bəy Zərdabinin yaradıcılığından bəhs edən “İşığa gedən yol” romanına görə Ali Media Mükafatının 1-ci dərəcəsi üzrə laureat, yəni qalib olub.

Qeyd olunub ki, Ali Media Mükafatı MŞ İdarə Heyətinin 6 iyul 2010-cu il tarixli iclasının qərarı ilə təsis edilib. Mükafatının Əsasnaməsinə uyğun olaraq Azərbaycanda jurnalistikanın inkişafı sahəsində çoxillik xidmətləri olan, səmərəli fəaliyyətini indi də davam etdirən, həmçinin mediamızın çağdaş problemlərinin həllində təşəbbüskarlığı və təşkilatçılığı ilə fərqlənən şəxslərin əməyinin qiymətləndirilməsi əsas götürülüb.

Hər il 22 iyul Milli Mətbuat Günündə təqdim olunan mükafatın 3 dərəcəsi var. İclasda birinci dərəcə üzrə 1, ikinci dərəcə üzrə 2, üçüncü dərəcə üzrə 5 laureat müəyyənləşdirilib.

Ali Media Mükafatının 3-cü dərəcəsi üzrə laureatların hər birinə 1000, 2-ci dərəcəsi üzrə 2000 manat pul təqdim edilir. 1-ci dərəcə üzrə laureat isə 5000 manat pulla mükafatlandırılır.

Xəbəri paylaş

5828 dəfə oxunub.

Digər xəbərlər

13-03-2019, 11:21 Sosial müavinətlər nə vaxtdan artımla veriləcək?

25-11-2019, 17:43 BDU-nun kafedra müdirinin polis oğlu həbs edildi

30-05-2019, 10:53 4 yaşında məktəbə gedib, 18 yaşında BDU-nu bitirir: “XİN-də praktika keçirəm” – Foto

9-07-2021, 13:24 Deputat Əziz Ələkbərli Qərbi azərbaycanlıların arxivini yox edib? - Şok ittihamlar...

11-11-2016, 11:07 Maaşını ala bilməyən müəllimlərə şad xəbər - Nazirlikdən açıqlama

19-09-2022, 11:15 Azərbaycanda DƏHŞƏT: 14 yaşlı qız həşərat dərmanı içərək öldü

20-07-2021, 12:42 “WhatsApp”da yeni funksiya

1-05-2021, 05:34 Ölkədə ictimai nəqliyyat iki gün işləməyəcək

17-11-2016, 17:38 Beşəm uşaq doğmuş xanımın anası: "Axı 500 q-lıq uşağın yaşaması necə ola bilər?!"