Prezident və xanımı Heydər Əliyevin xatirəsinə əğac əkdi

Prezident və xanımı Heydər Əliyevin xatirəsinə əğac əkdi
Tarix: 10-05-2016 | Saat: 10:02
Bölmə:M / Karusel / Gündəm / Həftə-Reytinq | çapa göndər

Şirift ölçüsü:

Mayın 10-da Prezident İlham Əliyev, xanımı Mehriban Əliyeva və qızı Leyla Əliyeva Zığ-Heydər Əliyev Beynəlxalq Aeroportu magistral avtomobil yolunun 29-30-cu kilometrliyində salınan yaşıllıq sahəsində ulu öndər Heydər Əliyevin doğum gününə həsr olunmuş ağacəkmə kampaniyasında iştirak ediblər.

"Xəbəraz.az "-ın AzərTAc-a istinadən məlumatına görə, dövlət başçısı və xanımı əvvəlcə Azərbaycanda ekoloji vəziyyətin yaxşılaşdırılması istiqamətində görülən işlərlə bağlı məlumatları əks etdirən stendlərlə tanış olublar.

Ekologiya və təbii sərvətlər naziri Hüseyn Bağırov 2008-2016-ci illər ərzində salınmış və damcılı suvarma sistemi ilə təchiz edilmiş yaşıllıqlar barədə məlumat verib və bildirib ki, həmin müddətdə Bakı-Şamaxı magistral avtomobil yolunun ətrafında 622 mindən, Bayıl yamacında 463 mindən artıq, Bakı-Qazax magistral avtomobil yolunun Ələt-Hacıqabul hissəsində 1 milyon 600 minə yaxın, Bakı-Quba magistral avtomobil yolunun ətrafında 680 mindən çox, Bakı-Astara magistral avtomobil yolunun Ələt-Salyan hissəsində 500 minə yaxın ağac əkilib. Beləliklə, 2008-2016-ci illərdə respublika ərazisində nazirlik tərəfindən sahəsi 3776 hektar, uzunluğu isə 190 kilometr olan ərazidə ümumilikdə 4 milyon 826 mindən çox ağac əkilərək onlara zəruri aqrotexniki qulluq göstərilib.

H.Bağırov qeyd edib ki, ölkədə əkilmiş zeytun ağaclarının sayı isə artıq 1 milyon 268 mini keçib. Son səkkiz ildə nazirlik tərəfindən yaşıllıq sahələrinə 11 min kilometr uzunluğunda damcılı suvarma xətləri çəkilib.

Dövlət başçısına indiyədək Zığ-Heydər Əliyev Beynəlxalq Aeroportu magistral avtomobil yolunun ətrafında ümumi sahəsi 969 hektar, uzunluğu isə 20 kilometr olan ərazidə 58 növdə bir milyondan artıq ağac əkilib. Onların arasında zeytun, Eldar şamı, sərv, tuya, oleandr, Arizona sərvi, akasiya, göyrüş, lələk, tut, nar, badam, sarağan, meliya və digər ağac növləri barədə də məlumat verilib.

Prezident İlham Əliyev, xanımı Mehriban Əliyeva və qızı Leyla Əliyeva ərazidə ağac əkdilər.

Qeyd edək ki, ərazisi 12 hektar olan bu yaşıllıq sahəsində mayın 10-da ümumilikdə 10 minə yaxın zeytun, Eldar şamı, sərv, Arizona sərvi, mavi küknar, limonad sərvi, leylandi ağacları əkilib.

Xəbəri paylaş

7218 dəfə oxunub.

Digər xəbərlər

29-03-2017, 11:09 Bakıda faciə: qardaşının qan içində qalmış meyitini tapdı

10-06-2015, 21:36 Dənizdən azərbaycanlı gəncin meyiti tapıldı — Türkiyədə

30-07-2016, 13:34 “İndi Azərbaycanda demokratiya daha kamil təsisatdır”

7-10-2016, 14:47 Sənədsiz evlərin qeydiyyatı ilə bağlı XOŞ XƏBƏR: Qanun layihəsi Milli Məclisə təqdim olundu

19-05-2023, 09:18 Öldürülən şəhid xanımının anasından şok açıqlama: “Qızımı pensiya kartına görə öldürüblər” - VİDEO

12-03-2022, 11:18 "Sizinlə ümumiyyətlə danışmağın nə mənası var?" - Zelenski Rusiyaya səsləndi

5-10-2023, 09:20 Sosial şəbəkələrdən arıqlamaq adı ilə dərman alanlara xəbərdarlıq - VİDEO

26-10-2016, 20:47 "Bu, o demək deyil ki, dövlət xəstəxanalarında xidmət pullu olacaq" - MÜSAHİBƏ

11-09-2015, 03:01 Aparıcı canlı yayımda bunu bacardı - Video