İlham Əliyev İndoneziya səfiri ilə görüşdü

İlham Əliyev İndoneziya səfiri ilə görüşdü
Tarix: 03-05-2016 | Saat: 14:46
Bölmə:M / Karusel / Siyasət | çapa göndər

Azərbaycan Respublikasının Prezidenti İlham Əliyev mayın 3-də İndoneziya Respublikasının ölkəmizdə yeni təyin olunmuş fövqəladə və səlahiyyətli səfiri Hüsnan Bəy Fananinin etimadnaməsini qəbul edib.

"Xəbəraz.az "Axar.aza istinadən xəbər verir ki, səfir Hüsnan Bəy Fanani fəxri qarovul dəstəsinin qarşısından keçib.

Hüsnan Bəy Fanani etimadnaməsini dövlət başçısına təqdim edib.

Sonra Prezident İlham Əliyev səfirlə söhbət edib.

Azərbaycan ilə İndoneziya arasında əlaqələrin uğurla inkişaf etdiyini deyən dövlət başçısı ölkələrimizin beynəlxalq təşkilatlar, o cümlədən BMT, İslam Əməkdaşlıq Təşkilatı çərçivəsində yaxşı əməkdaşlıq etdiyini vurğuladı, ölkəmizə verdiyi dəstəyə görə İndoneziyaya təşəkkürünü bildirib. Tərəfdaşlıq əlaqələrimizə toxunan Prezident İlham Əliyev Azərbaycanın İndoneziya ilə daha yaxın əlaqələr qurmaqda maraqlı olduğunu deyib. Ölkələrimiz arasında siyasi, iqtisadi, təhsil, mədəni, sərmayə qoyuluşu və digər sahələrdə əməkdaşlıq əlaqələrinin mövcud olduğunu deyən Prezident İlham Əliyev bu əlaqələrin gələcəkdə uğurla inkişaf etdiriləcəyinə ümidvar olduğunu bildirib.

Hər iki ölkədə uzun illərdir səfirliklərin fəaliyyət göstərməsinin əhəmiyyətini qeyd edən Prezident İlham Əliyev səfir Hüsnan Bəy Fananiyə fəaliyyətində uğurlar arzulayıb.

Səfir Hüsnan Bəy Fanani İndoneziya Respublikasının Prezidenti Coko Vidodonun salamlarını dövlət başçısına çatdırıb. Xalqlarımızın eyni dinə və oxşar mədəni dəyərlərə malik olduqlarını vurğulayan səfir iki ölkə arasında müxtəlif sahələrdə mövcud olan əlaqələrin gələcəkdə daha da inkişaf etdiriləcəyinə ümidvar olduğunu deyib. O, ölkəmizdə diplomatik fəaliyyəti dövründə ikitərəfli əlaqələrimizin daha da genişləndirilməsi işində səylərini əsirgəməyəcəyini vurğulayıb.

Hüsnan Bəy Fanani 2017-ci ildə ölkəmizdə keçiriləcək İslam Həmrəylik Oyunlarının əhəmiyyətini qeyd edib.

Dövlət başçısı İlham Əliyev Prezident Coko Vidodonun salamlarına görə minnətdarlığını bildirib, onun da salamlarını İndoneziya dövlətinin başçısına çatdırmağı xahiş edib.

Xəbəri paylaş

5308 dəfə oxunub.

Digər xəbərlər

26-08-2017, 11:10 Azərbaycanda 12 yaşlı qız hamilə qalıb

12-08-2016, 15:39 Bu kod telefonunuzu sıfırlayır - Əlavələri silir

26-04-2016, 14:43 F-22-lər Qara dənizə göndərildi

14-04-2022, 13:08 QOCA QARTAL ləqəbli Mayor Ağamalıyevi tanıyaq!

7-10-2018, 11:05 Bakıda qardaş qardaşı toyuq üstündə öldürdü - Təfərrüat

29-10-2022, 10:47 Bakıda iş adamı övladına təmtəraqlı toy etdi, məşhurlar məclisə axın etdi - VİDEO

10-01-2016, 09:19 Zaur dul qadınları aşağıladı - Video

30-07-2018, 19:35 Prezident bu universitetə rektor təyin etdi - 2 sərəncam, 5 fərman

17-11-2021, 15:45 Gədəbəy məktəbində kobud yanlışlıq: Ölkənin adı SƏHV YAZILDI - FOTO