İranlı spiker də Qarabağdan danışdı

İranlı spiker də Qarabağdan danışdı
Tarix: 21-04-2016 | Saat: 23:24
Bölmə:M / Karusel / Siyasət | çapa göndər

İran Dağlıq Qarabağ münaqişəsinin siyasi yolla həllinə səylər göstərilməsini zəruri sayır.

AzərTac xəbər verir ki, bunu “TASS” informasiya agentliyinin baş direktorunun birinci müavini Mixail Qusmana verdiyi müsahibəsində İran parlamentinin spikeri Əli Laricani bildirib.

O deyib: “Biz həmişə Azərbaycandakı və Ermənistandakı tərəfdaşlarımıza müharibə ilə bitməyəcək qərarlardan istifadə etməyi tövsiyə edirik”. Ə.Laricaninin sözlərinə görə, mövcud mexanizmlərdən biri ATƏT-in Minsk qrupudur.

Şimal-Cənub Nəqliyyat Dəhlizinin yaradılmasına toxunan İran parlamentinin sədri qeyd edib ki, bu dəhliz həmin marşrutda yerləşən bütün ölkələr üçün faydalı ola bilər. Parlamentin spikeri deyib: “Bu marşrutda yerləşən bütün ölkələr ondan öz rifahı üçün istifadə edə bilər. Buna görə də o, İran üçün də faydalı olacaq, çünki Rusiya ilə, dəhlizin uzandığı ölkələrlə, Avropa ilə, Çinlə birləşəcəyik. Oman körfəzinə çıxış əldə etdiyinə görə Şimal-Cənub Dəhlizi digər ölkələr üçün də faydalı olacaq. Bu, regionumuz üçün strateji layihədir”.

Xəzər dənizinin hüquqi statusu haqqında Konvensiya üzərində işin gedişi haqqında danışarkən Ə.Laricani vurğulayıb ki, tərəflər arasında yeraltı sərvətlərin istifadəsinə dair fikir ayrılığı var və bu ixtilafları danışıqlar yolu ilə həll etmək gərəkdir. İran parlamentinin sədri deyib: “Fikrimcə, biz həllə yaxınlaşırıq. Digər ölkələr də Xəzərin statusunun hüquqi rəsmiləşdirilməsinin vacibliyi qənaətinə gəliblər, hüquqi normaların olmaması ziyan gətirir. Buna görə də indi səylər göstərmək lazımdır, axı bu yeni təcrübədir və energetika, yeraltı sərvətlər və ekologiya məsələləri, hərbi aspektlər yaranır. Bu təcrübə uğurlu olsa, o, digər məsələlərin həlli üçün tam model ola bilər”.

İran parlamentinin sədri həmçinin bu yaxınlarda Moskvada keçirilən Avrasiya ölkələri parlament spikerlərinin iclası kimi görüşlərin vacibliyini qeyd edib. Ə.Laricani vurğulayıb: “Bu yaxşı təşəbbüsdür. Deyə bilərəm ki, parlamentlər hökumətlərə pozitiv təsir edə bilər... Avrasiya qitəsinin müxtəlif ölkələrinin parlamentariləri arasında əlaqələrin inkişafı üçün yaxşı təməl qoyulub. Öz nizamnaməsi, katibliyi olan bu orqanı institutlaşdırmaq zəruridir. Bu orqanın gələcəyi var”.

Xəbəri paylaş

5798 dəfə oxunub.

Digər xəbərlər

16-08-2023, 11:13 "Nikosayağı" qolsuz qalacağını illər əvvəl bilib? - Kövrəldən görüntülər

10-06-2020, 19:28 Baş Nazir karantin rejimi ilə bağlı qərarda dəyişiklik etdi

9-06-2020, 14:48 Bakıda çoxmərtəbəli binada yanğın - 20 nəfər təxliyə olundu

29-10-2022, 09:44 Tarif Şurasından yeni QƏRAR: Bu xidmətin qiyməti noyabrın 1-dən dəyişir - VİDEO

25-05-2016, 14:39 Bakıda polis reydində gülməli anlar - Video

31-08-2022, 11:22 Küçədə qadını bıçaqlayan şəxs əri imiş - RƏSMİ

15-10-2015, 01:03 Prezervativ: sevişənlərin dostu, yoxsa düşməni? – HAMI OXUSUN

11-03-2017, 15:59 Ən faydalı 5 meyvə qurusu: həzmi asanlaşdırır, xərçəngdən qoruyur...

25-10-2015, 14:00 Bakıda polisin vurduğu gənc xəstəxanada keçindi