Bir saatdan çox özümü ölü kimi apardım - FOTO
16-11-2015, 11:51. Yazar: Xeberaz
Fransanın paytaxtı Parisdə baş verən qətliamın içində qalan 22 yaşlı İsobel Bovdery bir saat ərzində ölü təqlidi edərək həyatda qalıb.
Xeberaz.az modern.az-a istinadən xəbər verir ki, bu ana qədər 129 adamın həyatını itirdiyi qorxunc hücumlarda İsobel Bovdery sağ xilas olmağı bacarıb. Hadisə zamanı konsert qurbanlarının içində olan gənc qız o gecə əynində olan qanlı qolsuz köynəyinin fotosunu sosial mediada paylaşıb.
İraq-Şam İslam Dövləti (İŞİD) terror qruplaşması üzvlərinin təsadüfi atəş açaraq qətliam etdiyi sahədə hər kəsin əvvəlcə bunun bir tamaşa olduğunu zənn etdiyini deyən İsabel yaşadığı kabusu belə danışır: "Şoka düşmüşdüm və təkdim. Hər yer qan gölünə dönmüşdü. Bir saatdan çox cəsədlərin arasında ölü təqlidi edərək həyatda qalmağı bacardım. Tanımadığım insanların qanları üzərimdən axıb gedirdi. Orada eləcə yatarkən bir güllənin də məni tapacağını və 22 illik həyatımın sonuna gəldiyimi düşündüm".
Geri dön