Ana Sayfa > Karusel / Siyasət / Qarabağdan xəbər var > Moskva Qarabağda güc tətbiqindən imtina etməyə çağırır

Moskva Qarabağda güc tətbiqindən imtina etməyə çağırır


14-10-2015, 15:49. Yazar: Xeberaz
Moskva Qarabağda güc tətbiqindən imtina etməyə çağırır
“Gərginliyin davamı yolverilməzdir”.

Moskva Dağlıq Qarabağ münaqişəsinin tərəflərini qüvvə tətbiq etməkdən imtina etməyə və güzəştlərə nail olmaq üçün siyasi iradə göstərməyə çağırıb, bu barədə Rusiya Federasiyası XİN-in rəsmi nümayəndəsi Mariya Zaxarova bildirib, Oxu.Az RİA “Novosti”yə istinadən xəbər verir.

“Təəssüf ki, münaqişə zonasında vəziyyətin gərginləşməsi, qurbanların, o cümlədən də dinc əhali arasında qurbanların sayının artması nəticəsində siyasi dialoqun bərpası çətinləşir. Biz gərginliyin davamının yolverilməz olduğundan çıxış edirik. Münaqişə tərəflərini qüvvə tətbiq etməkdən imtina etməyə və güzəştlərə nail olmaq üçün siyasi iradə göstərməyə çağırırıq”, - o, deyib.

Zaxarovanın sözlərinə görə, Dağlıq Qarabağ münaqişəsinin tənzimlənməsi mövzusuna Ermənistan və Azərbaycan xarici işlər nazirlərinin bu ilin aprel-may aylarında Moskva səfərinin gedişatında ətraflı baxılıb.

“O, Sergey Lavrov və onun xarici həmkarları ilə əlaqələrinin cari mövzusudur. Biz bu istiqamətdə ABŞ və Fransa ilə sıx qarşılıqlı fəaliyyət göstəririk. Bu yaxınlarda BMT-nin Baş Assambleyasının 70-ci sessiyası çərçivəsində RF xarici işlər naziri ATƏT-in Minsk qrupunun həmsədrləri ilə görüş keçirib. Bu görüşdə bu ay həmsədrlərin regiona səfəri ərəfəsində praktiki məsələlər nəzərdən keçirilib”, - o, əlavə edib.
Geri dön