Şərab düzəldən 74 yaşlı kişiyə — 350 qamçı cəzası
13-10-2015, 22:49. Yazar: Xeberaz
İngiltərədə “The Sun” qəzeti “74 yaşlı ingilis kişi 350 qamçı cəzasıyla qarşı-qarşıya” başlıqlı xəbər dərc edib.
Qəzet evində şərab istehsal edən Karl Andreenin bir ildən çoxdur Səudiyyə Ərəbistanda həbs edildiyini yazıb.
Məhkəmə neft firmalarının birində çalışan 74 yaşlı kişiyə hökm oxuyub, 350 qamçı cəzası verilib.
Astma xəstəsi olan Karl Andreenin ailəsi İngiltərənin baş naziri David Camerona müraciət edib, qamçı cəzasının geri götürülməsi barədə xahiş olunub.
Qəzet yazır ki, əslində Karla 12 ay həbs cəzası verilib. Ancaq onun maşınında spirtli içki də tapıldığı üçün cəzası artırılıb.
Ailə isə qəzetə açıqlamasında 75 yaşlı kişinin 350 qamçıya dözməyəcəyini, ölə biləcəyini vurğulayıb. (Qafqazinfo)
Geri dön