"O məni aldadıb" – Samin Dəniz
6-10-2015, 14:24. Yazar: Xeberaz
Gənc istedadlı müğənni Samin Dəniz rejissor Fuad Tofiqoğludan şikayət edib.
Xəbəraz.az saytına açıqlamasında klipmeykerin onun üçün çəkdiyi ekran işini yandırdığını deyib:
Yayda "Bir Dənizdir" adlı mahnıma Fuada klip çəkdirdim. O isə hər gün məni aldadırdı. Fuad yaxın dostumdur, amma işə məsuliyyətsiz yanaşmaq olmaz. Burada çox insanın əməyi var idi. Klipin ssenari müəllifi Hacı Quliyev, klipin baş qəhramanı “supəri” rolunda model Rəna Ağamuradova oynayırdı. Bir insanla sərt danışmağı bacarmıram. Hər dəfə əsəbiləşəndə özümə təsəlli verirəm ki, Samin sakitləş, lazım deyil, insanlıq olmalıdır. Hər gün məni aldadırdı ki, bu gün, sabah klipi gətirəcəm. Sonra duydum ki, bütün materialları yandırıb. ”
Samin Dəniz “Bir Dənizdir” adlı yeni mahnısına da klip çəkdirmək istədiyini deyib. Sözləri Zeynəb Ədalətqızına, musiqisi Elvin Abdullayevə aid olan ekran işi Bakıda lentə alınacaq.
Geri dön