Qurban bayramı ilə bağlı humanitar aksiya keçirilib
28-09-2015, 13:55. Yazar: Xeberaz
Qurban bayramı münasibətilə Sumqayıt şəhəri Hacı Zeynalabdin qəsəbəsində humanitar aksiya keçirilib.
Xeberaz.az-ın xəbərinə görə, Sumqayıt şəhəri Hacı Zeynalabdin qəsəbə Nümayəndəliyi və Hacı Zeynalabdin Bələdiyyəsinin təşkilatçılığı ilə keçirilən aksiya çərçivəsində qəsəbədə yaşayan şəhid ailələri, əlillər, müharibə veteranları və aztəminatlı ailələrə Qurban sovqatı paylanıb. Bayramı münasibətilə ümumilikdə qəsəbədə keçirilən humanitar aksiya çərçivəsində 154-dən artıq ailəyə qurban əti paylanılıb.
Həmçinin, Sumqayıt şəhəri Hacı Zeynalabdin qəsəbə Nümayəndəliyi və Hacı Zeynalabdin Bələdiyyəsi rəhbərliyi ilə qəsəbə ərazisində yerləşən “N” saylı hərbi hissədə hərbi xidmətdə olan əsgərləri təbrik edilərək, bayram Qurban sovqatı vermişdilər.
Geri dön