Ana Sayfa > Karusel / Şou-Biznes / Fotogalereya > Nadir Qafarzadə “sevgilisi deyilən qıza” prodüserlik edəcək

Nadir Qafarzadə “sevgilisi deyilən qıza” prodüserlik edəcək


26-09-2015, 12:53. Yazar: Xeberaz
Nadir Qafarzadə “sevgilisi deyilən qıza” prodüserlik edəcək
“Bu gündən açıqlamaq istəyirəm ki...”.

Müğənni Nadir Qafarzadə özünü prodüser kimi də sınamaq qərarına gəlib.

Xəbəraz.az xəbər verir ki , Oxu.Az-a açıqlama verən ifaçı bildirib ki, ötən gün “Azərbaycanın səsi” yarışmasından ayrılan tələbəsi Yeganə Orucovanı şou-biznesdə tanıdacaq:

“İstedadlı tələbəm Yeganə ötən gün smslərin azlığına görə, yarışmadan ayrıldı. Buna üzülsək də ruhdan düşmək lazım deyil. Amma bu gündən açıqlamaq istəyirəm ki, onun bütün yaradıcılıq işlərinə mən nəzarət edəcəm. Bundan əlavə “Azad Azərbaycan” telekanalı da Yeganənin yaradıcılıq işlərində ona dəstək olacaq. Onun prodüseri, həm də müəllimi olaraq demək istəyirəm ki, bu qız yaxın zamanların tanınmış müğənnisi olacaq. Düzdür ötən həftələrdə barəmizdə çox pis bir şayiə yaymışdılar, amma biz bu cür söz-söhbətlərə əhəmiyyət vermirik. Bu günə qədər barəmdə çox şayiələr olub və olacaq da. Məşhursansa, barəndə zaman-zaman şayiələr danışılacaq. Qarşıda tələbəmlə bir çox layihələrimiz var. Gözləyin, yaxın zamanda Azərbaycan estradasına yeni bir səs gəlir”.

Y.Orucova isə N.Qafarzadə ilə sevgili olması barədə gəzən şayiələrə münasibət bildirib:

“Nadir bəylə aramızda çox xoş olmayan bir şayiə buraxıldı. Yarışmada məni gözü götürməyən iştirakçılar var idi. Bu şayiə də həmin insanlar tərəfindən yayıldı. Amma mən həmin insanlara demək istəyirəm ki, Nadir bəy mənim valideynimdir”.
Geri dön