Türkiyə XİN: Ermənistan qonşu ölkələrlə münasibətləri barədə düşünməlidir
27-03-2015, 15:08. Yazar: Xeberaz
“Ermənistan həmişə hadisələrə bir tərəfli baxır”.
Ermənistanla münasibətlərimizin normallaşması üçün ermənilər Azərbaycan torpaqlarından geri çəkilməlidir.
Xeberaz.az APA-ya istinadən xəbər verir ki, bunu Türkiyə xarici işlər naziri Mövlud Çavuşoğlu NTV kanalına müsahibəsində deyib.
Ermənistanın işğal siyasətini davam etdirdiyini deyən M. Çavuşoğlu qeyd edib ki, İrəvan qonşu ölkələrlə münasibətləri barədə düşünməlidir: “Ermənistanın İranla enişli-yoxuşlu əlaqələri var. Bizimlə münasibətləri də göz qabağındadır. Ermənistan həmişə hadisələrə bir tərəfli baxır”.
ABŞ-ın “erməni soyqırımı” məsələsi ilə bağlı münasibətinə toxunan nazir bu ölkənin mövqeyində dəyişikliyin olmayacağına ümid etdiyini bildirib. Onun sözlərinə görə, ABŞ-ın mövqeyi dəyişərsə, bu, ikitərəfli münasibətlərə təsir edə bilər.
Geri dön