Bakının ən bahalı maşınları cərimə meydançasına salındı - FOTO
20-09-2015, 00:03. Yazar: Xeberaz
“Bentley”, “Porche”, “Maserati”...
Dünən axşam saatlarında Bakı şəhər Dövlət Yol Polisi İdarəsinin əməkdaşları paytaxt ərazisində irimiqyaslı reyd keçiriblər.
Xəbəraz.az -ın avtosfer.az-a istinadən məlumatına görə, reyd zamanı dünyanın ən tanınmış brend avtomobilləri və bahalı nömrələri müxtəlif avtomobillər cərimə meydançasına aparılıb. Reydin başlıca məqsədi avtomobilə əlavə avadanlıqlar, yəni səs siqnalı, sayrışan işıqlar quraşdıran, konstruksiya dəyişikliyi edərək səsboğucuya müdaxilə edən, avtomobilin rəng qrafikasını pozaraq vinil yapışdıran, ödənilməmiş cərimələri olan sürücüləri aşkarlamaq olub. Eyni zamanda, yol polisinə tabe olmayan, avtomobili sərxoş halda idarə edən sürücülərə də rast gəlinib.
Reyd zamanı 200-ə yaxın avtomobil saxlanılıb. Onlardan 100-dən çoxu cərimə meydançasına aparılıb.
Məlum olub ki, həqiqətən də reyd zamanı saxlanılan avtomobillər dünən gecə cərimə meydançasına salınıb. Hətta iş o yerə çatıb ki, hər iki cərimə meydançası dolduğu üçün bir neçə avtomobil yolun kənarında park edilib.
Cərimə meydançasına salınan avtomobillər arasında “Bentley”, “Porche”, “Maserati”, “BMW”nin son modelləri, “Mersedes Galendewagen”, “Mersedes S-klass”, “Range Rover”, “Cadillac Escalade”, “Hummer”, “Lexus” və “Land Gruiser”lər də var idi.
Cərimə meydançasında rast gəldiyimiz avtomobillərin nömrələri də göz qamaşdırır. Onlarından bəzilərinin fotolarını təqdim edirik:
Geri dön