“Ramil yuxuda dedi ki, iti gətir, sağollaşmalıyam” - VİDEO

Qarabağda keçirilən lokal xarakterli antiterror tədbirləri zamanı şəhid olan Ramil Rzayevin məzarı üzərində Baffi adlı itin yatması sosial şəbəkələrdə gündəm olub. 

Xeberaz.az APA TV-yə istinadən xəbər verir ki, şəhidin yaxını Səbinə Rzayevanın sözlərinə görə, Ramil onun yuxusuna girərək Baffini məzarına gətirməsini istəyib: 

“İt məndə idi. Ramil yuxuma girdi, dedi ki, iti gətir, mən onunla sağollaşmalıyam. Amma mənə dedilər ki, olmaz. Ramilin anası Lena xanıma dedim ki, bunu etməliyəm. Çünki it ulayırdı. 10 ay əvvəl Baffi Ramilin maykasını götürüb öz yuvasına qoyub. Ramilin maykası hələ də onun yuvasındadır”.