"WhatsApp Web"dən istifadə edənlərin nəzərinə: Parol daxil etməli olacaqsınız
15-08-2023, 14:51. Yazar: Xeberaz
"WhatsApp" yeni funksiyasını istifadəyə verib.
"WhatsApp”ın beta versiyasında sınaqdan keçirilmiş yeni funksiya "WhatsApp Web” istifadəçiləri üçün yenilik kimi tanınır. "WhatsApp Web" beta istifadəçilərinə təklif edilən və testlər tamamlandıqdan sonra bütün istifadəçilərə açılacaq xüsusiyyət kompüterdən daxil etdiyiniz "WhatsApp Web" üçün gizlilik xüsusiyyəti olacaq.
Bu funksiya çərçivəsində bundan sonra "WhatsApp Web"dən istifadə etmək üçün parol daxil etməli olacaqsınız. Xüsusiyyətin məqsədi kompüterinizdə "WhatsApp Web"i açıq qoyaraq çölə çıxdığınız zaman sizdən başqa insanların məlumatlarınıza və söhbətlərinizə daxil olmasının qarşısını almaqdır. Əgər parolunuzu unutsanız, onda siz "WhatsApp Web"dən çıxmalı və QR kodu ilə yenidən daxil olmalı olacaqsınız.
Yeniləmədən sonra "WhatsApp"da Parametrlər menyusundan Məxfilik bölməsinə daxil olub funksiyadan istifadə edə biləcəksiniz.
Geri dön