Elşad Xose: "Dərya narkotikə mənə görə başlamışdı" - VİDEO

Baku TV-də yayımlanan "Retro Baku” verilişinin növbəti buraxılışı mərhum reper Hüseyn Dəryaya həsr olunub.

Verilişdə rejissor Kənan MM, reper Elşad Xose, aparıcı-prodüser İdris Cəfərov, jurnalist Gülnarə Aydın onunla bağlı xatirələrini bölüşüb.

Həmkarı ilə qalmaqallarından danışan Elşad Xose qeyd edib ki, sənətə yeni başlayanda münasibətləri yaxşı olub.

"Biz bəlkə də dost ola bilərdik. Mənim onu, "Sən hələ cavansan, bir az öyrən”, - deyərək özümdən uzaq salmağım buna imkan vermədi”, – deyə o söyləyib.

Kənan MM isə mərhum reperlə aralarında yaşanan mübahisədən danışıb:

"Pis vərdişi olan insanlar özlərini dost olaraq qələmə verib, onun adından, hörmətindən, pulundan istifadə etmək istəyirdi və bu məni qıcıqlandırırdı.

Aramızda münaqişə oldu. O, bunu illər sonra başa düşdü”.