Azərbaycanda quru sərhədlər bu tarixə qədər açılmayacaq
23-06-2023, 12:55. Yazar: Xeberaz
Xəbər verdiyimiz kimi, Azərbaycan Nazirlər Kabineti xüsusi karantin rejiminin daha dörd ay da uzadılması barədə qərar verib.
Qərara əsasən, Azərbaycanda xüsusi karantin rejiminin müddəti 2023-cü il 2 oktyabr saat 06:00-dək uzadılıb.
Sərhədlərin bağlı qalmasına səbəb kimi isə "Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsi və Azərbaycan Respublikası Nazirlər Kabinetinin 2020-ci il 28 fevral tarixli 73-1 nömrəli Qərarı ilə təsdiq edilmiş "Yoluxucu, parazitar və kütləvi qeyriyoluxucu xəstəliklərin əmələ gəlməsi, yaxud yayılması təhlükəsi göstərilib.
Qeyd edək ki, Azərbaycanda xüsusi karantin rejiminin uzadılması ilə birgə quru sərhədləri də oktyabra qədər qapalı saxlanılıb.
Geri dön