Soyuq fəsillərdə soyuqdəymə xəstəlikləri artır. Bu xəstəliklərin simptomlarından biri öskürəkdir.

LOR həkimlərinin belə bir deyimi var: öskürək soyuqdəymə zamanı ən birinci meydana gələn və ən axırıncı gedən simptomdur.

Əslində öskürək orqanizmin qoruyucu mexanizmidir. Öskürək nəfəs yollarını mikrob, toksin, selikdən azad edir. Bu səbəbdən öskürəyi "kəsmək" deyil, onu yumşaltmaq, bəlğəmin çıxmasını asanlaşdırmaq lazımdır. Bu işdə xalq təbabəti bizə çox yaxşı kömək edə bilər.

Bəzi otlar öskürək zamanı yaxşı bəlğəmgətirici təsir edir.

Bu otlar arasında:

1. Evkalipt

2. Biyan kökü

3. Adaçayı

4. Kəklikotu

5. Mərzə (oreqano)  

Bu otlarla inhalyasiya etmək çox yaxşıdır. Bunun üçün 1 x.q. ot 1 stəkan qaynar suda dəmlənilir, enli qaba tökülür. Bu suyun buxarı ilə nəfəs alın.  

Həmçinin bu otları dəmləyib (1 x.q. ot + 1 stəkan isti su) içmək də olar. Gündə 3 dəfə stəkanın 1/3 hissəsi.