Türkiyənin Qaziantep şəhərinin mərkəzində, təpədə inşa edilən, şəhərin simvollarından biri olan tarixi Qaziantep qalası zəlzələdə qismən dağılıb.

Xeberaz.az Türkiyə mətbuatına istinadən xəbər verir ki, qalanın cənub-şərqindəki bürcün və onun ətrafındakı zolağın zədələndiyi müəyyən edilib.

Qeyd edək ki, qala 6000 il əvvəl kurqan üzərində inşa edilib. Roma dövündə ondan müşahidə məqsədilə istifadə olunub. Qala tarixi boyu dəfələrlə bərpa edilib və 2000-ci illərin əvvəllərində aparılan bərpa ilə son şəklini alıb.