"Biz İranı qardaş bilirdik və qardaşımızın belə addım atmasını istəmirdik".
Bunu jurnalistlərə açıqlamasında Qafqaz Müsəlmanları İdarəsinin sədri Allahşükür Paşazadə deyib.
Şeyxülislam Tehranın İrəvanla qardaşlaşmasını səhv addım hesab edib:
"Biz onları qardaş tanıyırdıq. Amma sonradan gördük ki, bu qardaşın başqa qardaşı da varmış. Biz ögey qardaş imişik. Hesab edirəm ki, onlar öz səhvlərini başa düşəcək. Onlar tarixdə və islam tarixində böyük səhv edirlər. Ümid edirəm ki, səhvlərini başa düşüb geri qayıdacaqlar. İran bu addımları atmamalıdır".