Ana Sayfa > Karusel / Hadisə / Gündəm > Beyləqanda bir ailənin 4 üzvünü qətlə yetirən şəxs barəsində qərar verildi

Beyləqanda bir ailənin 4 üzvünü qətlə yetirən şəxs barəsində qərar verildi


5-12-2022, 11:05. Yazar: Xeberaz

Beyləqanda bir ailənin 4 üzvünü qətlə yetirən şəxs barəsində qərar verildi


Beyləqan rayonunda bir ailənin 4 üzvünün qətlə yetirməkdə şübhəli bilinən Fuad Cəlilzadənin barəsində 4 ay müddətinə həbs qətimkan tədbiri seçilib.

Bu barədə rayon məhkəməsində qərar elan olunub.

Hazırda istintaq davam edir.

Qeyd edək ki, hadisə dekabrın 2-də rayon ərazisində qeydə alınıb.

Belə ki, F.Cəlilzadə mübahisə zəminində qonşuları - 1971-ci il təvəllüdlü Tərgül Quliyevanı, onun həyat yoldaşı, 1966-cı il təvəllüdlü Nadir Quliyevi və oğlanları - 1996-cı il təvəllüdlü Amin Quluzadəni və 2002-ci il təvəllüdlü Xəyal Quluzadəni güllələyərək qətlə yetirib. F.Cəlilzadə odlu silahdan atəş açaraq həmin şəxslərin hər birinə 2 güllə vurub.

Qonşular arasında mübahisəyə səbəb isə torpaq üstündə olub.

Onun barəsində Cinayət Məcəlləsinin 120.2.7-ci (iki və ya daha çox şəxsi öldürmə) maddəsi ilə ittiham irəli sürülüb.

Daha sonra F.Cəlilzadə şübhəli şəxs qismində saxlanılıb.




Geri dön