Məhşur boksçudan inanılmaz hərəkətlər - (VİDEO)
29-08-2015, 09:33. Yazar: Kenan
ABŞ-da boks gecəsində maraqlı hadisə baş verib. Xeberaz.az bloodyelbow.com saytına istinadən xəbər verir ki, 2008-ci ildə üz-üzə gələn amerikalı Şeyn Mosli ilə nikaraqualı Rikardo Mayorqa yenidən qarşılaşmaq qərarına gəliblər. Ancaq döyüşçülərin üz-üzə gəlməsi vaxtı gözlənilməz hadisə baş verib.
Belə ki, Moslinin sevgilisi yerdən nəsə götürmək istəyərkən 41 yaşlı Mayorqa əlini dinc saxlamayıb və onun arxasına toxunub. Bundan sonra Mosli rəqibini vurmağa çalışıb. Onun qız dostu isə ayaqqabını Mayorqaya tərəf atıb.
Maraqlıdır ki, bu olaydan sonra Mosli ilə müsahibə verən qız dostu Mayorqaya belə təklif irəli sürüb: "Ona 10 min dollar verəcəyəm. Əllərini yanına qoysun, 5 dəqiqəlik onu vurum". Mayorqanın cavabı isə özünü gözlətməyib: "Mən ona 25 min dollar verəcəyəm. Ancaq mənə yenidən arxasına toxunmaq imkanı yaratsın".
Sonda həmin anın videosunu təqdim edirik.
Geri dön