Cəlilabadda açıq sahədən qadın meyiti tapılıb.

Məlumatına görə, noyabrın 16-sı rayon polis şöbəsinə 1976-cı il təvəllüdlü Xalidə Əliyevanın itkin düşməsi ilə bağlı məlumat daxil olub. Daxil olmuş müraciət əsasında aparılmış istintaq tədbirləri istintaq tədbirləri nəticəsində qadının qəsdən öldürüldüyü məlum olub.

Rayon prokurorluğunun yaydığı məlumata görə, mərhumun qardaşı, 1983-cü il təvəllüdlü Famil Əliyevin şəxsi münasibətlər zəminində aralarında yaranmış mübahisə zamanı Xalidə Əliyevanı ağac parçası ilə vurub qəsdən öldürməsinə əsas şübhə yaranıb. İddia edilir ki, qadın qətlə yetirildikdən sonra meyiti rayonun Uzuntəpə kəndində basdırılıb.

İddialara görə, bacı-qardaş arasında tez-tez mübahisələr olurmuş.

Famil Əliyev şübhəli şəxs qismində saxlanaraq dindirilib. Meyit basdırıldığı yerdən çıxarılaraq müayinəyə təqdim edilib. İş üzrə istintaq davam edir.