Xəbər verdiyimiz kimi, Nəsimi rayonu, Səməd Vurğun küçəsində yerləşən "Bolmart" supermarketdə kütləvi zəhərlənmə baş verib.

Kliniki Tibbi Mərkəzin mətbuat xidmətindən verilən məlumata görə,  zəhərlənmə  hadisəsi ilə bağlı 14 nəfər Kliniki Tibbi Mərkəzin Toksikologiya şöbəsinə yerləşdirilib. 

"Onların səhhətində ciddi narahatlıq müşahidə edilməyib və ilkin tibbi yardım göstərildikdən sonra təxminən 2 saat ərzində evə buraxılıblar".

Zəhərlənmənin mənşəyi məsələsinə gəldikdə isə E.Hidayətoğlu bildirdi ki, hadisənin qaz sızması nəticəsində baş verdiyi deyilir.